Ushtrimet zvogëlojnë rrezikun nga sëmundja e Parkinsonit

[Juѕт٠]

Ushtrimet zvogëlojnë rrezikun nga sëmundja e Parkinsonit

Shkaku i sëmundjes së Parkinsonit nuk është i njohur dhe për të nuk ka ilaç, por është e mundur vetëm të zbuten simptomat e saj, siç është lëvizshmëria e zvogëluar.

Hulumtimi i kryer në Harward sugjeron se personat të cilët merren me ushtrime trupore kanë më pak gjasa që të preken nga sëmundja e Parkinsonit.

Pas analizimit të shëndetit të 63.348 meshkujve dhe 79.977 femrave, shkencëtarët amerikanë kanë vërtetuar që marrja me ushtrime trupore, dy deri tri herë në javë, mund të zvogëlojë zhvillimin e sëmundjes së Parkinsonit për 20 deri në 40 për qind, varësisht nga lloji i ushtrimeve të kryera trupore.

Ndikim më të madh pozitiv e kanë pasur aktivitetet si notimi, vrapimi, tenisi dhe vozitja e biçikletës.

Shkencëtarët shtojnë që nuk është vërtetuar mekanizmi i cili ndërlidh ushtrimet trupore me zvogëlimin e rrezikut nga sëmundja e Parkinsonit, por parashohin që bëhet fjalë për ndikimin e aktivitetit fizik në nivelin e dopaminës.