Lëngu 100% natyral nuk rrit peshën e fëmijëve

[Juѕт٠]

Lëngu 100% natyral nuk rrit peshën e fëmijëve

Nuk ka asnjë lidhje mes lëngut 100% natyral dhe peshës së fëmijëve, si dhe gjasave të jenë të mbipeshë.

Studimi është prezantuar në takimin vjetor të shoqatave të pediatërve në Toronto të Kanadasë, që është kryer nga Kolegji i Mjekësisë në Houston. Ata kanë marrë të dhëna në të cilën janë përfshirë prindër të rreth 3.600 fëmijëve të moshës 2-11 vjeçare.

Prindërit kanë përcjellë çdo gjë që fëmijët e tyre kanë ngrënë dhe pirë gjatë 24 orëve. Edhe pesha e fëmijëve po ashtu ka qenë e regjistruar.

Fëmijët kanë pirë mesatarisht rreth 120 ml të lëngut 100% natyral, që përfshin rreth 3% të kalorive të tyre ditore.

Marrja e lëngut natyral nga ana e fëmijëve nuk lidhej me mundësinë e të qenit të mbipeshë, ka rezultuar nga kjo analizë. Edhe fëmijët që kanë marrë rreth tre herë më shumë nga kjo sasi ditore nuk kanë shfaqur shenja të mbipeshës.

“Madje edhe në mesin e fëmijëve që kanë konsumuar shumë lëng, ne nuk kemi gjetur ndonjë lidhje me tendencat e të qenit të mbipeshë ose rrezikun për tu trashur”, ka thënë
prof. Theresa Nicklas, profesoreshë e pediatrisë pranë Kolegjit të Houstonit.