Re: Kuriozitete dhe zbulime të rëndësishme ne lidhje me mjekësinë...

nga **Juѕт٠** Mon Mar 14, 2011 1:00 pm

Dietat e shpejta dëmtojnë zemrën!

Tek femrat anorekse dhe ato që kanë humbur shumë shpejt peshën e trupit mund të lajmrohen probleme në zemër, të rrezikshme për jetën, të cilat bëhen të dukshme gjatë ushtrimeve, pohojnë shkenctarët Amerikan.
Me vite është e njohur se tek femrat të cilat të sëmura nga anoreksia paraqiten probleme në zemër, tek të cilat paraqiten të rrahura të pakta në zemër dhe dëmtim të muskulit të zemrës.
Përveç kësaj, shkenctarët besojnë se vdekja e menjëhershme në rastin e të sëmurëve nga anoreksia kryesisht është rezultat i problemeve në zemër.
Dr. Suzanne Riggs dhe kolegët e saj nga spitali pediatrik Hsabro në vendin Providence në Rhode Island, kanë studiuar punën e zemrës tek 36 vajza me moshë prej 11 deri 18 vjet, të cialt ishin të hospitalizuara për shkak mosushqyerjes të shkatuara nga anorekisa. Deri sa aparatet kanë matur punën e zemrës dhe metabolizmin e saj, këto vajza ushtronin në biçikleta të dhomës duke simuluar vozitjen e saj në tatëpjetë. Ato kishin ndërprerë ushtrimet kur janë lodhur shumë.
33% nga këto vajza të kontrolluara pastaj, duke përfshirë edhe ato që kanë ushtruar çdo ditë për disa orë, kishin zemër të dobësuar mesatarisht apo edhe fort.
Personat që nuk kanë probleme me zemër gjatë vozitjes së biçikletës në momente të caktuara do të arrijnë maksimumin e tyre. Para se të arrijnë maksimumin do të kalojë një kohë e gjatë, harxhimi i oksigjenit në kulm të ushtrimeve do të jetë e madhe, dhe kalimi nga metabolizmni aerob në atë anaerob do të kalojë një kohë e gjatë.
Përveç kësaj, zemra e personave normal do të ketë më shumë forcë për ushtrime.
Vajzat anoreksike shumë shpejt do të vijnë deri te maksimumi i tyre (i ulët), me harxhim të vogël të oksigjenit, dhe kalimi në metabolizmin anaerob do të ndodh shumë shpejt, çka do të thotë se kanë shumë tolerancë të dobët në rritjen e numrit të rrahjeve të zemrës.

nga **Juѕт٠** Mon Mar 14, 2011 1:00 pm

Vera i bën mirë zemrës së femrës:

Pirja e dy gotave verë çdo ditë i bën mirë zemrës së grave. E ndihmon “të mbajë ritmin”, i lejon të përshtatet më shpejt nevojave të ditës. Aspekt shumë i rëndësishëm ky, që tregon shëndet shumë të mirë dhe ul rrezikun e infraktit. Në këto përfundime ka arritur një studim suedez botuar në revistën mjekësore “Heart”.
Studimi, i udhëhequr nga Instituti “Karolinska” në Stokholm, ka patur subjekte 120 gra nën 75 vjeç, të mbijetuara nga të një infrakt ose bllokim venash. Efektet e mira janë shumë skarse nëse vera zëvendësohet me birrë ose një pije superalkolike. Ndërsa vera, e cila ka një efekt relaksues mbi sistemin nervor, i mundëson zemrës “ta marrë me qetësi” punën e saj. Ka mundësi që këto efekte lidhen me faktin se kush pi verë bën një gjumë më të qetë, duke i lejuar organit të zjarrit të pushojë.

nga **Juѕт٠** Mon Mar 14, 2011 1:00 pm

9 këshilla për të pasur një gjumë të qetë:

1- Është mirë që të mos flini gjatë ditës
2- Kufizoni kafeinën dhe alkoolin
3- Mos pini duhan, nikotina vështirëson rënien në gjumë
4- Ekspozoni veten ndaj dritës së diellit
5- Bëni ushtrime fizike herët në mëngjes
6- Kontrolloni nivelet e hekurit në gjak
7- Relaksohuni para se të shkoni për të fjetur
8- Mos bëni asgjë stimuluese
9- Mbani dhomën e gjumit të qetë, dhe të rehatshme

nga **Juѕт٠** Mon Mar 14, 2011 1:00 pm

8 mënyrat më praktike për të mbrojtur sytë nga ekrani i Kompjuterit:

1- Sfondi përtej ekranit të mos jetë asnjëherë krejt i errët.
2- Të mos ketë reflekse në ekran.
3- Kontrasti dhe drita e ekranit të rregullohen në vlera mesatare.
4- Ekrani duhet të jetë rreth 50-60 cm larg syve.
5- Mundësisht të përdoret filtër për ekranin kundër reflekseve.
6- Të shpluhuroset shpesh ekrani.
7- Gjatë punës para kompjuterit është mirë që disa herë në orë të shkëputet shikimi nga ekrani për rreth një minutë.
8- Të rrotullohen sytë në ambientin përreth ose të paktën çdo një orë të bëhet një pushim prej 15 minutash.

nga **Juѕт٠** Mon Mar 14, 2011 1:00 pm

Studjuesit krijojne nje zemer bio-artificiale ne laborator.

Nese zemra e njeriut mund te krijohet nga organe kafshesh, keto te fundit do te shpetojne jete njerezish. Studiuesit e Universitetit te Minesotes qe po perpiqen te gjejne kurime te reja per semundjet e zemres kane rritur nje zemer miu ne laborator duke perdorur qeliza embrionale. Perfundimet e studimit te botuar ne revisten "Nature Medicine" vendosin bazat per transplantimin e atyre qe shkencetaret i quajne organe bio-artificiale te njerezit. Ekspertet thone se ne te gjithe boten llogaritet te jene rreth 100 milione njerez, zemrat e te cileve nuk arrijne te ushqejne me gjak trupin e tyre. Ne eksperimentet e tyre, studiuesit hoqen zemrat e minjve te sapolindur te laboratorit dhe ua hoqen qelizat. Studiuesja kryesore, Doris Taylor, qe drejton Qendren e Universitetit te Minesotes per Riparimin Kardiovaskular,
thote se shkencetareve u mbeti ne dore nje mase e bardhe proteinash ne forme zemre, qe permbante tuba aty ku kishte pasur ene gjaku. Dr. Taylor thote se keto skelete zemrash u mbushen permes injektimit te disa qelizave qe kane aftesine e riperteritjes dhe transformim, pak a shume si qelizat embrionale. Brenda pak ditesh, thote Doktoresha Taylor, zemrat e minjve filluan te krijojne qeliza nga jashte.
Qelizat e reja iu injektuan lende ushqyese dhe ndaj tyre u perdor nje stimulues kardiak. Pas kater ditesh, studiuesit vune re disa tkurrje ne zemrat e minjve.
Doktoresha Taylor thote se pas tete ditesh organet eksperimentale filluan te qarkullonin leng lehte. Nese kjo metode perfeksionohet ne zemra me te medha do te mund te perftoheshin rezerva te pakufizuara organesh te nevojshme dhe studiuesit thone se perdorimi i qelizave baze te vete pacientit do te sillte si rezultat qe nje zemer bio-artificiale t’i pershtatej sistemit imunitar te tij.
Hapi i ardhshem ishte perdorimi i kesaj procedure ne nje zemer derri per te pare nese do te funksionoje ne nje zemer me te madhe. Doktoreshe Taylor thote se zemrat bio-artificiale per njerezit mund te perftohen nga organet e derrit, sepse kane pothuajse te njejten mase. Valvulet e derrave perdoren per zevendesimin e valvuleve te dala jashte perdorimit te njerezit.

nga **Juѕт٠** Mon Mar 14, 2011 1:01 pm

Brokoli ndihmon për të mabajtur të shëndetshëm aparetin e frymëmarrjes:

Të paktën ky është rezultati i një studimi të kryer nga ekipi i "R&S" i "Bios Line", që ka identifikuar se disa përbërës natyral që ndodhen në familjen e kruçifereve (lakra, lulelakra, etj) kanë efekt mjaft të mirë, në sistemin e frymëmarrjes. Duhani dhe ndotja atmosferike sulmojnë çdo ditë rrugët e frymëmarrjes. Vështirësi në frymëmarrje, kollë në mëngjes, sekrecione dhe broshit janë ankesat më të shpeshta që shfaqen nga aparati i frymëmarrjes te duhanpirësit, por dimë se dëmet që shkakton smogu janë të ngjashme me ato që shkakton dhe duhani. Perime si lulelakra, sallata jeshile, brokoli, lakra e bardhë, rrepat, rukolat mbrojnë organizmin nga efekte e dëmshme të duhanit dhe ndotjes atmosferike. Sipas autorëve të studimit efekti mbrojtës i atribuohet disa substancave natyrore që mbrojnë aparatin e frymëmarrjes së duhanpirësve, duke aktivizuar sistemet enzimatike intoksikues, nëpërmjet një procesi që vepron në nivel molekulash. Veprimi i këtyre bimëve lidhet me një faktor të veçantë, faktori "Nrf2", i aftë të rregullojë në mënyrë precize aktivitetin e geneve të pranishme në ADN e bërthamës.
"Jemi duke punuar prej më shumë se një viti me këtë projekt. Fillimisht kemi parë funksionet kryesore të faktorit "Nrf2", duke kaluar më pas në efektin e ekstrakteve bimore, që përdoren më tepër për krijimin e një përbërësi ushqimor specifik. Nëpërmjet këtyre analizave, kemi arritur të individualizojmë ekstrakte bimore duke standardizuar në to, principet aktive ku janë përqendruar më shumë. Nga kjo është parë se bimët si brokoli, lulelakra, rrepa, etj kishin nivele më të larta të faktorit "Nrf2",- nënvizojnë autorët e studimit.

nga **Juѕт٠** Mon Mar 14, 2011 1:01 pm

Çokollata; e mirë për zemrën por e dëmshme për kockat!

Çokollata ka veti antioksidante dhe antidepresive, ndikon në qarkullimin e gjakut, ul rrezikun kardiovaskular dhe ka veti dobiprurëse në funksionin endotelialë.
Sipas një studimi të publikuar në revistën "American Journal of Clinical Nutrition", konsumimi i shpeshtë i çokollatës shton rrezikun si të osteoporozës ashtu dhe të frakturës kockore te gratë që janë në moshë të madhe. Në studim kanë marrë pjesë një kampion prej 1460 grash të moshave nga 60 deri në 75 vjeç dhe ka rezultuar se konsumi ditor çon në uljen dendësisë kockore deri në 3,1 për qind në krahasim me ato që konsumonin të paktën një herë në javë çokollatë. Një rezultat ky që flet për një rritje të rrezikut për shfaqjen e osteoporozës dhe shfaqjen e frakturave kockore.
Shkaku i këtij efekti lidhet me ndikimin që ka çokollata në përthithjen e kalciumit nga ana e kockës, që mund të japë një dobësim të strukturës skeletore të femrës. "Studimi mund të ketë efekte të mëdha për parandalimin e osteoporozës, por nevojiten prova të tjera për ta konfirmuar", pohojnë autorët e studimit.

nga **Juѕт٠** Mon Mar 14, 2011 1:01 pm

Aspirina parandalon zmadhimin e prostatit

Shkencëtarët duket se kanë gjetur një tjetër arsye për marrjen e përditëshme të aspirinës
Një studim i ri lë të kuptohet se ilaçet jo steroidale dhe kundër temperaturës si aspirina ose Ibuprofen mund të parandalojnë ose vonojnë zmadhimin e prostatit. Kjo sëmundje e quajtur Bening Prostatic Hyperplasia shkakton shrregullime në sistemin e urinimit tek të moshuarit. Nga kjo sëmundje preken rreth 25 përqind e burrave mbi 40 vjeç.
Gjatë studimit ku morrën pjesë 2500 burra, u vu re se ata që përdorinin rregullisht aspirina ishin 50 përqind më pak në rrezik për t’u prekur nga zmadhimi i prostatit.
Megjithatë shkencëtarët nuk janë të sigurt se në ç’mënyrë ndihmon aspirina në këtë drejtim dhe vënë në dukje se aspirina dhe ilaçe të tjera të ngjashme kanë edhe efekte anësore, prandaj është e nevojëshme këshillimi me mjekun para përdorimit

nga **Juѕт٠** Mon Mar 14, 2011 1:01 pm

Kremi i tepërt shkakton infeksione

Shpesh gjatë periudhës së dimërit njerëzit përdorin krem për zbutjen e buzëve kur lëkura thahet ose plasaritet. Por shkencëtarët pranë universitetit të Alabamës paralajmërojnë se lyerja e tepruar e buzëve me krem mund të bëhet shkak për ifeksione.
Ata thonë se kremi zbut lëkurën dhe e bën atë të pambrojtur nga bakteret dhe infeksione të ndryshme.
Mjekët këshillojnë që sasia e kremit ose pomadës kundër plasaritjes së buzëve të kufizohet në maksimum dhe të mundësisht ajo të përdoret vetëm për mbrojtjen e buzëve gjatë një moti tepër të ftohtë.

nga **Juѕт٠** Mon Mar 14, 2011 1:01 pm

Lëvorja e mandarinës, ilaç kundër kancerit:

Shkencëtarët britanikë janë aq të impresionuar me ndikimin e përmbajtjes nga lëvorja e mandarinës, sa që e kanë patentuar zbulimin e tyre, duke hapur fabrikë për prodhimin natyror të ilaçit kundër kancerit. Lëvorja e mandarinës do të mund të ndihmonte në luftën kundër tumorit. Në fakt, qelizat e kancerit të njeriut, të cilat përmbajnë enzimën P450 CYP1B1, janë të dëmtuara me substancën salvestrol Q40, të cilën e përmban lëvorja e mandarinës, kanë publikuar shkencëtarët e Leicester School of Pharmacy. Ky zbulim do të mund të sillte deri tek mënyrat e reja të shërimit të kancerit të gjirit, mushkërive dhe vezoreve. Shkencëtarët përmendin se ky është vetëm hapi i parë drejt zbulimit të ilaçit, i cili në treg do të mund të paraqitej për pesë deri në shtatë vjet.

nga **Juѕт٠** Mon Mar 14, 2011 1:01 pm

Dhimbjet kronike të shtylllës kurrizore

Dhimbja në shtyllën kurrizore është një nga arsyet kryesore që njerëzit shkojnë për vizitë tek mjeku. Tani kirurgët janë në gjendje t’i trajtojnë disa dhimbje kronike të kurrizit duke zevendësuar me një unazë artificiale unazën e dëmtuar midis ruazave të shtyllës kurrizore. Kjo lloj teknologjie përdoret shpesh për zëvëndësimin e pjesëve lidhëse kuçit të gjurit e të kofshës. Por për here të pare tani po përdoret edhe për problemet e shtyllës kurrizore.
Dr. Richard Rabinowitz është një prej kirurgëve të pare në Shtetet e Bashkuara që vuri në zbatim këtë teknologji duke zëvëndësuar me unazë artificiale unazën e të shtyllës kurrizore tek një pacient.
Doktor Rabinovic pranë institutit orthopedic Aleksian Brothers, në rrethin e Çikagos thotë se shpreson që kjo teknologji do t’i lejojë specialistët të riprodhojnë me mjete plastike e metalike anatominë normale dhe biomekanikën e shtyllës kurrizore.
Duke vepruar kështu, ata shpresojnë të shmangin ndërhyrjet kirurgjike dhe problemet e tjera të shtyllës kurrizore. Në sajë të zevendësimit të unazave të dëmtuara me unaza plastike, pacientët rifitojnë të gjitha aftësitë që i kanë patur para se të sëmureshin.

nga **Juѕт٠** Mon Mar 14, 2011 1:01 pm

Ndikimi i lajmeve në gjendjen shpirtërore:

Sipas një studimi të kohëve të fundit, lajmet e mira kanë një ndikim pozitiv në jetën tonë, ndërsa lajmet e këqia përfshi ato mbi luftrat, vdekjet e trazirat, apo krimet sjellin një ndikim psikologjik negativ kur i dëgjojmë. Mjekja Dorri Lin, psikologe që merret me analizimin e lajmeve, thotë se lajmet e këqia apo kronikat e zeza shtojnë ankthin tek njerëzit, ata bien në depresion, ndjehen keq dhe frikësohen. Studimi rreth qëndrimit të amerikanëve ndaj lajmeve u krye nga shërbimi i anketave Monitor. Mjeku psikolog David Bersof, që kryesoi studimin thotë se 63 përqind e amerikanëve thanë se dëshirojnë të dëgjojnë më shumë njoftime të mira në emisionet e lajmeve. Studimi tregon se lajmet e mira i bëjnë njerëzit të ndjehen më të motivuar, më të frymëzuar e më optimistë rreth të ardhmes, si dhe të bëhen më të suksesshëm në punën e tyre.

nga **Juѕт٠** Mon Mar 14, 2011 1:01 pm

Domatja ndihmon uljen e Kolesterolit ne gjak:

Konsiderohet mbretëreshë e dietës mesdhetare, dhe është e famshme për numrin e elementeve të vlefshme për shëndetin: vitamina, potas, fosfor, beta-karotenë dhe likopenë, një pigment anti-kancerogjen.
Por tashmë domates i njihet dhe një veti tjetër: ndihmon kundër kolesterolit. Të paktën ky është konkluzioni i një studimi të kryer nga disa studiues finlandezë, i cili është publikuar këto ditë në faqet e revistës "British Journal of Nutrition". Studiuesit finlandezë kanë studiuar rastet e 16 burrave dhe 5 grave të moshave nga 20 deri 49 vjeç, të cilët kishin vlera të larta kolesteroli. Vullnetarëve u është kërkuar të ndjekin për një periudhë 3-javore një dietë pa domate dhe më pas duke e modifikuar të shtonin 30 gramë ketchup ose 300 mililitra lëng domateje në dietë. Për gati të gjithë periudhën që janë ndjekur, shkencëtarët kanë kryer analiza të rregullta gjaku për të vlerësuar nivelet e kolesterolit të keq dhe atij të mirë. Në përfundim të studimit, rezultatet kanë qenë mbresëlënëse edhe për vetë shkencëtarët. Te të gjithë vullnetarët, nivelet e përgjithshme të kolesterolit kanë zbritur me 6% dhe ato të kolesterolit të keq me 13%. Arsyeja pse domatja ka këtë veti anti-kolesterol kaq të lartë ende nuk dihet, por sipas shkencëtarëve, mendohet se numri i lartë i substancave antioksidante luan një rol kyç, sidomos i likopenit që i jep domates ngjyrën e kuqe. Por ajo që është e sigurt është fakti, se personat që vuajnë nga kolesteroli nuk duhet t’ju mungojnë dozat ditore të domates.

nga **Juѕт٠** Mon Mar 14, 2011 1:02 pm

Të flesh në një dhomë me dikë që Gërhet, dëmton shëndetin!

Mesa duket zhurma e bezdisshme, jo vetëm dëmton gjumin, por shkakton dhe një ndjeshmëri të lartë të presionit të
gjakut duke lehtësuar shfaqjen e sëmundjeve të tilla si: infarkti, bllok renal dhe demence.
Të paktën kështu pretendojnë një grup shkencëtarësh londinezë të "University College" dhe "Imperial College",
studimi i të cilëve është publikuar në numrin e fundit të "European Heart Journal".
Sipas autorëve të studimit, gjatë natës organizmi i njeriut nuk i përballon dot gërhimat,
zhurma e të cilës paskan të njëjtin decibel me të një treni që kalon poshtë shtëpisë.
Në studim janë analizuar rastet e 140 kavieve që jetonin në zonën pranë aeroportit londinez të "Heathrow".
Gjatë eksperimenteve u vu re se sa më shumë shtoheshin decibelët, aq më shumë rritej presioni i gjakut.

nga **Juѕт٠** Mon Mar 14, 2011 1:02 pm

Përdorimi i telefonit celular, i dëmshëm për gratë shtatzëna!

Edhe pse vazhdimisht paraqiten studime kontradiktore në lidhje me përdorimin e telefonave celularë, ende nuk është e qartë nëse vërtet përdorimi i tyre mund të jetë shkaktar i sëmundjes Alzheimer ose mund të sjellë sterilitetin te meshkujt, ose sipas studimeve tjera radio-valët nuk kanë asnjë ndikim negativ në shëndetin e njeriut…
Keshtu, sipas një studimi të ri të realizuar nga UCLA (Universitet e Kalifornisë në L.A.) dhe nga Universiteti Aarhus i Danimarkës, ekspertët kanë ardhur në përfundimin se përdorimi i telefonave celularë gjatë shtatzënisë, edhe atë vetëm dy ose tri herë në ditë, mund të shkaktojë probleme të mëvonshme në sjelljen e fëmijës, hiperaktivitet dhe çrregullime të ngjashme.
Shkencëtarët nga të dy Universitetet të cilët kanë marrë pjesë në këtë studim kanë qenë të befasuar nga rezultatet, mirëpo kanë pohuar se nevojiten studime shtesë për t’i vërtetuar këto rezultate.

nga **Juѕт٠** Mon Mar 14, 2011 1:02 pm

Të qënit Agresiv, dëmton zemrën!

Agresiviteti dëmton zemrën. Të paktën kështu këmbëngul një ekip studiuesish amerikanë, të cilët kanë kryer një studim te gati 3 579 persona.
Punimi është publikuar në "American Journal of Epidemiology" dhe objekt studimi ka qenë fakti se si ndikon agresiviteti në shfaqjen e sëmundjeve kardiake. Sipas studiuesve personat me personalitet "të egër" janë më të riskuar për të shfaqur sëmundje të zemrës dhe kjo shpjegohet me faktin që janë më në varësi të duhanit dhe alkoolit, "armiq të fuqishëm" të antioksidantëve. "Stresi oksidativ, shkaktohet nga radikalet e lira, të cilat prodhohen normalisht nga organizmi ynë", shpjegon Tetsuya Ohira, i Universitetit të Minneapolisit.
Nëse ulet aftësia e organizmit për t’u normalizuar, rritet rreziku për shfaqjen e sëmundjeve kardiake, tumoreve dhe sëmundjeve të tjera. Vitaminat mund të luftojnë stresin oksidativ, aty ku e rrisin duhani dhe ndotja urbane. Ekspertët kanë vërejtur 3.579 burra dhe gra, të moshës nga 18 deri 30 vjeç, pjesëmarrës në një studim të quajtur "zhvillimi i rrezikut kardiovaskular te të rinjtë". Studiuesit kanë matur nivelet e karotenoideve të ndryshëm, që janë pigmentet me veti të forta antioksidante si p.sh vitamina E. Pjesëmarrësit në studim që shfaqnin karakter agresiv në momentin e studimit, pas 7 vitesh i kishin nivelet e antioksidanteve më të ulëta se personat e tjerë që ishin të qetë. "Nëse agresiviteti ul nivelin e antioksidanteve, faktorë që përfshijnë stilin e jetës si dieta, duhani dhe alkooli kanë një rol mjaft të rëndësishëm", shpjegon Ohira. Gjithsesi nevojiten studime të mëtejshme për të shpjeguar rolin e "karakterit" në sëmundjet kardiake si p.sh infarktin.

nga **Juѕт٠** Mon Mar 14, 2011 1:02 pm

7 Rregulla se si të mposhtni mbipeshën:

1- Duhet të lëvizni duke caktuar kohë për aktivitete çdo ditë.
2- Zgjidhni ushqimin cilësor, duke i dhënë organizmit gjithçka për të cilën ai ka nevojë.
3- Yndyrat dhe sheqernat kanë shije të mirë dhe ju nevojitet një masë e caktuar e tyre çdo ditë.
4- Balanconi dietën tuaj, të gjitha ushqimet mund t’i vendosim në dietë të shëndetshme.
5- Planifikoni një meny të shumëllojshme gjatë ditës.
6- Planifikoni të kaloni 5-10 minuta relaks çdo mëngjes.
7- Mundohuni të jeni korrektë me ushqimin, hani nga të gjitha llojet, por me kufi.

nga **Juѕт٠** Mon Mar 14, 2011 1:02 pm

Hormoni i besnikërisë:

Ndërkohë që disa hormone, që nuk prodhohen për një kohë të gjatë, janë përgjegjëse për ndjenjat romantike të periudhës së parë të rënies në dashuri, ndikojnë disa hormone të tjera për shtuar dëshirën për një lidhje me afat akoma më të gjatë me partnerin Shumë marrëdhënie çiftore mbeten të pandryshuara edhe pas periudhës së hershme të rënies në dashuri. Dëshira e madhe për qetësi dhe siguri i mban partnerët së bashku. Për këtë kujdeset një "hormon besnikërie" i caktuar, oksitina. Vijon nga Rënia në dashuri Oksitina të bën të lumtur Oksitina ka gisht në shumë procese në trup. Për shembull oksitinë prodhohet me të madhe gjatë shtatzënësisë dhe lindjes. Ajo i liron shtrëngimet e gjatë lindjes dhe nxit formimin e qumështit të nënës gjatë periudhës së ushqimit të foshnjes me gji. Pandehet se mos përveç kësaj, përmes ndikimit të oksitinës krijohet edhe lidhja e ngushtë amë-foshnje. Edhe gjatë takimeve të trupngjeshura ndër partnerë ngjet një rritje e pasqyrës së oksitinës në gjak. Ky hormon zgjon ndjenjat e lumturisë dhe të ndjehurit e pasjes së një lidhjeje të fuqishme. Katër vjet kohëzgjatje Hulumtuesit janë të mendimit se hormoni oksitinë ndikon në jetën tonë dashurore për vetëm katër vjet. Ritmi katërvjeçar i oksitinës mund të jetë trashëgim nga stërgjyshërit tanë. Në atë kohë gratë ishin të varura nga partnerët e tyre për sa kohë që i kishin fëmijët të vegjël. Meshkujt i mbanin ato me ushqim dhe u ofronin mbrojtje. Për shkak se rritja e fëmijës kërkon kohë të gjatë, stërgjyshet tona lindnin mesatarisht një fëmijë në katër vjet. Kohën midis lindjeve ato e kalonin me sa duket gjithnjë në lidhje të qëndrueshme çiftore. Pas rreth 4 vjetësh fëmija dilte më në fund nga faza e asaj të fëmijës së vogël. Ëma ishte sërish e pavarur dhe mund t'i drejtohej një partneri të ri. Në këtë mënyrë - sipas mendimit të dijetarëve - është rregulluar në trurin tonë, përgjatë evolucionit dhe gjedhes së stërvjetër të lidhjeve njerëzore, rënia në dashuri dhe mbarimi i saj. Fatmirësisht sjelljet e njeriut nuk janë të varura vetëm nga hormonet. Pjesa më e madhe e tyre përcaktohen nga rregulla kulturore dhe shoqërore. Kështu që hormonet janë vetëm një shenjë që tregon se prika jonë gjenetike ndikon pjesërisht në sjelljet tona. Kjo trashëgimi nuk është e njëjtë tek gruaja si tek burri, të paktën ndryshon në një kromozon. A mund të jetë ky shkaku që këta shpesh nuk kuptohen ndërmjet tyre?!

nga **Juѕт٠** Mon Mar 14, 2011 1:02 pm

Lëngu i boronicës mund të mbrojë gratë nga infeksionet e traktit urinar.

Të paktën ky është konkluzioni i disa studimeve që janë publikuar në revistën "The Cochrane Library". Shkencëtarët kanë përpunuar të dhënat e 10 studimeve të ndryshme që kanë përfshirë rreth 1.049 persona. Pas analizimit të të dhënave ka rezultuar se lëngu i boronicës është mjaft i mirë në parandalimin e infeksioneve urinare të zakonshme, sidomos te gratë, që e konsumonin për një periudhë të paktën njëvjeçare. Por lëngu nuk ka shfaqur të njëjtin efekt te personat e moshuar apo tek ata që përdorin kateter. Gjithsesi, rezultatet janë mjaft interesante, duke marrë në konsideratë se infeksionet e traktit urinar janë 50 % më të shpeshta te gratë, se sa te burrat. Në fakt mendohet se 30% e grave është e prekur nga një infeksion i fshikëzës urinare. Sipas autorëve të studimit, lëngu i boronicës përmban një substancë që lufton bakteret, sidomos për Escheria Coli, e cila përthithet nga muret e fshikëzës dhe ndihmon për të parandaluar infeksionet. Por studiuesit nuk kanë arritur të kuptojnë mirë sasinë ideale që duhet përdorur nga ky frut.

nga **Juѕт٠** Mon Mar 14, 2011 1:02 pm

Lëngu i mollës i mirë për kujtesën.

Të paktën ky është konkluzioni i një studimi të kryer nga një grup studiuesish të Universitetit të Massachusetts, të kryesuar nga Thomas Shea. Studimi do të publikohet në numrin e ardhshëm të revistës "Journal of Alzheimer’s Disease". Sipas studiuesve fryti është i pasur me një miks të vërtetë antioksidantësh që ndikojnë në uljen e oksidimit të qelizave, ndihmojnë qelizat të qëndrojnë të shëndetshme dhe përmirëson trafikun e neurotransmetuesve. Shea ka arritur të tregojë, te disa modele kafshësh, që një ushqim i pasur me mollë ose lëng molle vonon shfaqjen e problemeve neurodegjenerative si: Demenca ose sëmundja e Alzaimerit. "Sekreti" qëndron tek antioksidantët që sulmojnë dhe anulojnë radikalet e lira, molekula kimikisht aktive që meqenëse kanë një elektron disponibël në nivelin e fundit energjetik, janë gati të reagojnë me molekula të tjera. Në organizmin njerëzor radikalet e lira reagojnë me çdo strukturë molekulare që hasin. Ato janë "vrasëse" të strukturave qelizore dhe ndikojnë në shfaqjen e arteriosklerozave, përfshihen në çdo sëmundje degjenarative, në procesin e plakjes dhe në atë kancerogjen. Vepruesit antioksidantë ndikojnë në ekuilibrin kimik të radikaleve të lira falë mundësisë për t’i furnizuar me elektrone, të cilat u mungojnë. Organizmi njerëzor mbrohet në mënyrë natyrale nga radikalet e lira që prodhohen nga antioksidantët, megjithëse herë pas here është e nevojshme një mbështetje e jashtme me antioksidantë. E burimi më mirë i tyre është një ushqyerje me bazë fruta-perimesh.

nga **Juѕт٠** Mon Mar 14, 2011 1:03 pm

Frutat pengojnë evoluimin e kancerit.

Shoqëria Amerikanë e Kancerit ka theksuar se domatet kanë shumë antioksidantë të domosdoshëm për organizmin. "Ato nuk mund të ndryshojnë sëmundjen te ata që vuajnë nga kanceri por ato mund të ndikojnë në përmirësimin dhe lehtësimin e gjendjes së tyre shëndetësore. Pacientët që hanë çdo ditë fruta dhe perime gëzojnë një gjendje më të lehtësuar, duke e mbrojtur veten nga evoluimi i përshpejtuar i sëmundjes", shprehet Marji Mçullough, drejtor i epidemiologjisë së përbërësve ushqimorë në këtë shoqatë. Domatet dhe produktet e ndërtuara mund të reduktojnë rrezikun e përhapjes së shumë llojeve të kancerit, por rekomandohet si bashkëngjitje e një diete të pasur në varietete të ndryshe perimesh dhe frutash. Për momentin kjo është një shpresë më tepër në gjetjen e një çelësi për të ecur në luftën kundër kancerit.

nga **Juѕт٠** Mon Mar 14, 2011 1:03 pm

Kafja shton rrezikun nga abortimi spontan!

Marrja e përditshme e dozave të mëdha të kafes gjatë shtatzënisë shton rrezikun nga abortimi spontan, ka dëshmuar studimi i publikuar të hënën në Shtetet e Bashkuara të Amerikës, që njëkohësisht ka vërtetuar rezultatet e hulumtimeve të mëhershme.
Shtatzënat do të duhej "të mendojnë për të ndaluar pirjen e pijeve të cilat përmbajnë kafeinë", shkruajnë autorët e studimit të publikuar në numrin e fundit të gazetës amerikane për obstetrikë dhe gjinekologji (American Journal of Obstetrics and Gynecology). Për shkak të mundimeve të mëngjesit dhe vjellave të shkaktuara nga shtatzënia, shumë gra e ndërpresin konsumimin e pijeve me bazë kafeine, zbulon doktori De-Kun Li nga qendra Kaiser Permanente.
Autorët e studimit i kanë përcjellë 1.063 gra shtatzëna gjatë dy vjetëve dhe kanë vërtetuar "se ekziston lidhje e fortë në mes të kafeinës dhe abortimit spontan, sepse hulumtimi për herë të parë ka përcjellë vetëm shtatzënat të cilat kanë vazhduar të konsumojnë pijet me kafeinë", shkruan Li. Gratë të cilat kanë konsumuar së paku dy filxhanë kafe në ditë apo pesë kanaçe të pijeve të gazuar me kafeinë, që do të thotë 200 miligramë të kafeinës në ditë, kanë pasur dy herë më shumë gjasa për abortim spontan për dallim nga gratë të cilat nuk kanë futur aspak kafeinë në organizëm. Tek gratë të cilat kanë marrë më pak se 200 miligramë kafeinë në ditë, rreziku për të humbur frytin e tyre ka qenë prapëseprapë 40 për qind më i madh sesa tek gratë të cilat kanë hequr dorë tërësisht nga konsumimi i kafeinës. Rreziku nga abortimi spontan rritet pikërisht për shkak të kafeinës, e jo për shkak të përmbajtjeve tjera kimike të kafesë, sepse futja e kafeinës në organizëm nëpërmes pijeve tjera siç është qaji, pijet e gazuara apo çokolata e nxehtë, tregon për rrezikun e shtuar nga abortimi spontan, përfundon studimi.

nga **Juѕт٠** Mon Mar 14, 2011 1:03 pm

Vrapimi shkakton eufori!

Personat të cilët vazhdimisht ushtrojnë gjithmonë flasin për atë ndjenjën e shkëlqyer që e kanë gjatë apo pas aktivitetit fizik.Disa prej tyre madje pohojnë se ndjehen sikur kanë marrë ndonjë lloj droge për disponim më të mirë. Substancat të cilat kanë ndikim në nxitjen e ndjenjës së disponimit janë endorfinet, opioide të cilat prodhohen nga truri.
Mirëpo, meqenëse nuk është e mundur që të caktohet vlera e endorfineve të prodhuara nga truri pas aktivitetit trupor, teoria e euforisл sportive nuk është vërtetuar në mënyrë shkencore.
Megjithatë, duke iu falënderuar teknologjisë së re mjekësore, disa shkencëtarë gjermanë kanë arritur të vërtetojnë se vrapimi sjell deri te niveli I rritur i endorfineve në tru. Këto endorfine veprojnë në qendrën trunore për emocione, dhe njëkohësisht e rritin pragun e tolerancës për dhimbje. Ende nuk dihet nëse efekti është i ngjashëm te të gjithë, meqenëse disave u pëlqen aktiviteti trupor, e të tjerëve jo.

nga **Juѕт٠** Mon Mar 14, 2011 1:03 pm

AID-s (Sida) epidemi e pandaluar!

Numri i rasteve të vdekjes nga AIDS në Azi do të kalojë nga 440.000 sa janë aktualisht për vit në 500.000 në vitin 2020 nëse nuk ndërmerren hapa të koordinuar të parandalimit, ka tërhequr vëmendjen OKB-ja. Hulumtimin të cilin fillimisht e ka kërkuar drejtori i programit të OKB-së në luftë kundër AIDS-it, Peter Piot, Sekretarit të përgjithshëm Ban Ki-Moon ia ka dorëzuar kryetari i Këshillit për AIDS në Azi, Chakravarthi Rangarajan. Hulumtimi tërheq vëmendjen se në rast të vazhdimit të ritmit të tanishëm të infektuarve me virusin e AIDS deri në vitin 2020 ai do të rritet dhe do të rritet në 10 milionë.
Ki-Moon u ka bërë thirrje vendeve aziatike që të nisin rekomandimet e tyre tek Këshilli, të cilat përfshijnë edhe rritjen e fondeve të dedikuara për parandalimin.

nga **Juѕт٠** Mon Mar 14, 2011 1:03 pm

Mbi syte...

Syri i majte ka me shume kapacitet,ne krahasim me syrin e djathte,qe te kuptoje emocionet e atyre qe na shikojne.
Kjo gje e veçante e syrit te majte u konstatua nga nje studim i American Academy of Neurology.
Syri i majte eshte i lidhur me "qendren e e mocioneve" te sistemit nervor, pra me anen e djathte te trurit,dhe kjo e lejon te dalloje tipin e emocioneve te atyre qe kemi perballe duke vezhguar fytyren e tyre.

nga Sponsored content