Vdes këngëtarja Emmy

[Juѕт٠]

Ka ndërruar jetë këngëtarja nga Shqipëria, Emmy, e cila u aksidentua dy ditë më parë me makinë. Elsina Hidersha, e cila nga fansat e saj njihet me emrin Emmy, ka ndërruar jetë në spitalin ushtarak si pasojë e plagëve të marra pas një goditjeje me dashje me makinë nga ish-i dashuri i saj. Lajmin e kanë konfirmuar burime policore. Ndërkohë policia ka arrestuar biznesmenin kosovar të hoteleve e restoranteve, Aziz Kelmendi, si autor të goditjes me veturë. Mediat në Shqipëri bëjnë të ditur se autori pas arrestimit është justifikuar me faktin se pas një grindjeje për motive të dobëta ka qenë vetë 21-vjeçarja e cila ka tentuar të hyjë me forcë në automjetin e tij, dhe për pasojë ajo është tërhequr zvarrë dhe përplasur gjatë tentativës së vetë atij për t’u larguar me makinën.