Një i dashur posesiv për Zana Krasniqin

[Juѕт٠]

Gjatë parakalimit në tapetin e kuq, publiku i pranishëm pati fatin të zbulonte të dashurin e modeles Zana Krasniqi. Djaloshi mjaft simpatik në krah të saj, tërhoqi vëmendjen për pamjen si prej aktori hollivudi. Çdo femër do të ishte e lumtur të kishte përkrah një mashkull të tillë. Por, në të vërtetë pas pamjes ënjëllore të të dashurit të Zanës, fshihet një mashkull jashtëzakonisht xheloz i cili merr vendimet edhe për të dashurën. Producentët e “Top Fest” kishin menduar që Zana Krasniqi të shoqërohej nga aktori seksi Blerim Destani, për të dhënë një çmim në “Top Fest”.
Por i dashuri xheloz nuk lejoi kurrsesi që e dashura e tij të shfaqej përkrah aktorit simpatik. E për këtë arsye producentët e ndryshuar kombinimin e çiftit Krasniqi-Destani në minutat e fundit para daljes në skenë. Në fund, u vendos që Zana Krasniqi të shoqërohej nga ish-futbollisti i kombëtares sonë Redi Jupi.
E megjithëse edhe pse ky i fundit është një mashkull seksi duket se ka paraqitur më pak rrezik në sytë e të dashurit të Zanës sepse ndryshe nga Blerim Destani, Redi Jupi është i martuar dhe babai i një vajze.