Zana fillon punën si modele

[Juѕт٠]

Javë më parë kemi treguar që modelja kosovare Zana Krasniqi kishte udhëtuar drejt Nju Yorkut për të kërkuar kontrata të reja atje, pasi në Kosovë kishte kohë që nuk kishte sfiluar apo reklamuar ndonjë produkt dhe se prania e saj në shtypin rozë ka qenë më shumë evidente kur kishte filluar lidhjen me futbollistin Lorik Cana dhe më vonë mediat sikur e harruan. Udhëtimi drejt Shteteve të Bashkuara i ndihmoi Zanës edhe për një rikthim në ballinën e revistës “Teuta” me foto të realizuara tek Fadil Berisha, ndërsa disa ditë më vonë ajo u shfaq përsëri në “Christmas party” organizuar nga Fadili, i cili kishte grumbulluar të gjitha bukuroshet shqiptare të cilat kishin fituar nëpër evenimentet e organizuara nga ai, në mesin e të cilave ishte dhe Zana e shoqëruar nga modelja tjetër Tika Camaj, dhe që të dyja kishin shfrytëzuar rastin të afronin buzët pranë njëra tjetrës duke bërë me dije se mes tyre shoqëria është tepër e madhe.

Siç mësojmë, Zana po qëndron akoma në Nju York dhe sapo ka lançuar një album me foto të reja të realizuara atje, foto të cilat do të shfrytëzohen për reklama të ndryshme.

Kjo tregon se modelja i është përveshur punës, pasi i ka parë koleget e saj që janë shumë aktive në modë dhe fitojnë shumë, ndërsa qëndrimi në Kosovë nuk sjell ndonjë përfitim të madh. Qëndrimi atje përveç lekëve sjell dhe udhëtime të shumta nëpër botë.