Tre infarkte në tre orë, fëmija britanik mbijeton

[Juѕт٠]

Alfie-atak-trePlot tre atake zemre brenda tre orësh, tre javë më parë. Bëhet fjalë për një fëmijë nga Wolverhemptoni, Alfie Green, të cilit sipas historisë së treguar në shtypin anglez, herën e parë zemra i ndaloi 17 minuta, por më pas në mënyrë të pabesueshme rinisi t’i rrahë.
Pastaj iu ndal dhjetë minuta pas atakut të dytë dhe dy minuta pas të tretit. E sërish rinisi t’i rrahë. Madje megjithë frikën e permanencës së një dëmi cerebral masiv, fëmija pati një riaftësim të plotë.
Ai ka habitur mjekët, të cilët pothuajse kishin hequr dorë nga mundësia për ta rigjallëruar.
Kurse e ëma, Stacy, 24 vjeç. Ka deklaruar: “Unë as që e dija që një fëmijë kaq i vogël mund të kishte një atak në zemër, e jo më tre. Por ai u tregua një luftëtar i madh. Kur zemra e tij rifilloi të rrihte, qava nga çlirimi”. Historia e Alfie është nga ato kulmoret, vërtet të pabesueshme.
Ai lindi i shëndetshëm në shtator. Tre javë më pas, Zonja Green dhe i ati Alfie Leonard Bratt, 25-vjeçar, kishin shkuar për pazar me vogëlushin, teksa ai ndali së marri frymë. “Disa ditë më parë e kisha dërguar te doktori – tregon e ëma -. Ata i dëgjuan kraharorin dhe i thanë se ishte mirë, por papritmas ndodhi ajo që ndodhi. Ishte e tmerrshme”.
I shoqi thirri ambulancën dhe Alfie u dëgua me shpejtësi në spital, ku mjekët shpjeguan se vogëlushi kishte pasur një atak në zemër dhe se zemra e tij ishte ndalur për 17 minuta. E në dy orët e mëpasshme pati edhe dy të atake të tjerë.
Ndërkohë që një grafi e bërë tregoi edhe se gjakderdhja kishte sjellë dëmtimin e anës së majtë të trurit të tij. Megjithatë, çdo gjë duket se u normalizua edhe pas pagëzimit të Alfiet në shtratin e spitalit.