Pensionisti britanik gjeti vezë në vezë

[Juѕт٠]

E kur s’ka lajme më interesante në Britani gazetat shkruajnë edhe se si një pensionist britanik gjeti - jo qime në vezë - por vezë brenda vezës! Për mediat britanike lajm është edhe kur gjejnë një vezë me dy të kuq e lëre më këtë befasi të dorës së parë.

Pensionisti britanik mbeti i habitur kur brenda lëvozhgës së vezës së thyer gjeti një vezë krejtësisht të paprekur në miniaturë, shkruan “Daily Mail”.

Fermeri John Fellows (68 vjeçar) kur po përgatiste mëngjesin e gjeti vezën brenda vezës. Fellows tha se kjo është hera e parë që kishte parë një gjë të tillë dhe ka ndërmend ta ruajë. Ekspertët thonë se ky është një fenomen i rrallë natyror, i cili mund të ndodhë nëse pula përjeton shok gjatë krijimit të vezës.