Qëndroi “pip” në maje të shtyllës mbi 35 orë (Video)

[Juѕт٠]

Izraeliti Hezi Dayan, u bë i famshëm kur qëndroi 66 orë në një bllok të madh akulli, tash ai ka thyer edhe një rekord tjetër. Në aksionin e tij të ri, Hezi pa ushqim dhe pa ujë qëndroi më shumë se 35 orë në majën e një shtylle të ngushtë e të lartë nëntë kate e cila ishte vendosur në Tel Aviv.
Iluzionisti amerikan David Blaine mbante rekordin për qëndrimin në maje të kullës me 35 orë në New York më 2002, duke vendosur atëbotë rekordin të cilin tash Hezi e ka thyer.

Izraeliti është ngjitur në maje të shtyllës me vinç dhe derisa qëndronte në maje të saj, as nuk ka pirë e as nuk ka ngrënë asgjë.

Kur theu rekordin e rezistencës, ai u hodh në kutitë e kartonit të cilat ishin vendosur nën kullë dhe me këtë i dha fund përpjekjes së tij mbinjerëzore. “Ishte shumë e vështirë. Por dëshiroj të them vetëm një gjë – asgjë nuk është më i fortë se vullneti i njeriut”, tha Hezi Dayan.