Paditi burrin për mospërmbushje të obligimeve martesore

nga **Juѕт٠** Fri May 06, 2011 7:40 am

Paditi burrin për mospërmbushje të obligimeve martesore

Një grua e pakënaqur në Emiratet e Bashkuara Arabe paditi burrin, sepse ai nuk po i përmbushte obligimet e tij martesore dhe kërkoi dëmshpërblim me vlerë prej një milion euro, njoftuan mediat arabe.
Gruaja, identiteti i së cilës nuk u bë publik, tha se bashkëshorti i saj në katër muajt e parë të martesës së lidhur më 2008, nuk fjeti me të, derisa më vonë ajo kuptoi se ai kishte probleme me ereksion.

Gazetat arabe duke cituar dokumentet e gjykatës shkruajnë se gruaja ankohet se bashkëshorti i saj nuk ka përmbushur nevojat e saj dhe ajo tash kërkon dëmshpërblim për vuajtjen shpirtërore.

“Duke pasur parasysh vlerat konzervative arabe dhe pozitën e gruas në shoqëri, nuk kam bërë shumë zhurmë. Jam përpjekur të adaptohem me lutje tek Zoti për t’i përmirësuar gjërat”, tha gruaja.