Shtatëvjeçarja recitoi poezinë me një boa dy metra të lidhur rreth qafës (Video)

[Juѕт٠]

Vajza shtatë vjeçare Olivia Binfield nga Kenti shokoi publikun dhe jurinë në versionin britanik të shout televiziv “Britain’s Got Talent” duke dalë në skenë me një gjarpër të madh boa rreth qafës, shkruan Daily Mail.
Vajza në skenë doli me një fustan të zi, u prezantua dhe tha se kishte përgatitur një poezi. Kur juria i tha të filloj ajo vrapoi prapa skenës dhe publiku i zhgënjyer mendoi se Olivia u frikësua dhe iku nga skena. Por shpejtë u kthye me një ndihmës. Rreth qafe i ishte mbështjellë një gjarpër i madh me emrin Lucy, i gjatë mbi dy metra.

Të gjithë anëtarët e jurisë mbetën të tmerruar, pak edhe të shqetësuar për pamjen që shihnin në skenë. Por Olivias gjarpri nuk i pengoi aspak dhe pa problem recitoi poezinë për mbrojtjen e kafshëve të rrezikuara. Kur përfundoi, ajo i tregoi jurisë se jeton në të njëjtën shtëpi me gjarprin.

Në një moment dukej sikur gjarpri po shtrëngonte qafën e Olivias kështu që udhëheqësit pas skenës ia bënë me shenjë jurisë t’i japë më shpejtë vlerësimet e veta. Të tre vendosën që Olivia të vazhdojë më tutje.