I mbijetoi rënies nga 300 metra, tash gati për Mount Everest

nga **Juѕт٠** Tue Feb 01, 2011 10:53 am

Bjeshkatari nga Skocia, Adam Potter (36 vjeçar), i cili i mbijetoi rënies nga 300 metra lartësi në njërën prej majave më të larta në Britaninë e Madhe, planifikon që gjatë këtij viti të niset për ta pushtuar majën e Mount Everestit.

Potter nga Glasgou rrëshqiti në stazën e ngrirë drejt pushtimit të majës Sgurr Choinnich Mor (1.093 metra). Ra nëpër majën e rrëpirë por mbijetoi disi. Ekipet e shpëtimit mbetën të befasuara kur e gjetën atë ulur duke lexuar hartën.

Zyrtari i ekipit skocez të shpëtimit David Gibson tha se Potter mbijetoi “falë fatit”.

Potter sot është liruar nga spitali në Glasgou dhe premtoi se sivjet do të niset për ta pushtuar Everestin.