Superheroi nga Seattle “hëngri” dajak, por nuk ndalet

[Juѕт٠]

Gardiani i Seattle në SHBA, superheroi Phoenix Jones, e pësoi gjatë një përpjekje për ta çarmatosur një kriminel- shkruan Metro.
Në përleshje e sipër me kriminelin e armatosur, Phoenix mori një goditje në kokë dhe pësoi një thyerje në hundë. Në këtë rast u përfshi edhe policia e cila i bëri thirrje grupit të superheronjve t’i ndalojë aktivitetet e tyre para se dikush ta pësojë më rëndë.

“A ka hëngër dajak ndonjëherë Supermani? Këta njerëz duhet të mos paraqiten më si superheronj”, tha njëri prej detektivëve të policisë.

Phoneix pas incidentit deklaroi se do të vazhdojë luftën për t’i mbrojtur njerëzit e pafajshëm në Seattle.

“Kur nuk ka policë kriminelët ndjehen të lirë dhe lodrojnë nëpër qytet. Unë nuk do ta toleroj këtë”, tha superheroi.