Qumështi me shishe nxit mbipeshën

nga **Juѕт٠** Sun Sep 25, 2011 12:12 am

Qumështi me shishe nxit mbipeshën

Dhënia e qumështit fëmijës me anë të shishes edhe pas moshës dyvjeçare të jetës mund të nxisë mbipeshën, kanë treguar rezultatet e një studimi amerikan.
Shkencëtarët kanë ardhur deri te këto rezultate duke përcjellë gjendjen shëndetësore të 6.950 fëmijëve, mes të cilëve 22.3 për qind janë konsideruar me mbipeshë në moshën pesëvjeçare (ndërkaq pas moshës dyvjeçare këta fëmijë kishin vazhduar të pinë qumësht me shishe).
Hulumtimet kanë treguar se vetëm një shishe qumësht prej 230 mililitrash plotëson 12 për qind të nevojave ditore të ushqimit të fëmijës (rreth 150 kalori).
Për këtë arsye ekspertët shëndetësorë i këshillojnë prindërit që pasi fëmija t’i mbushë 18 muaj të mos i japin më qumësht me anë të shishes.