Magjistari theu eshtrat kur numri i shkoi gabim (Video)

[Juѕт٠]

Magjistari amerikan Michael Mooney provoi ta ekzekutojë numrin e legjendarit Houdini dhe për pak sa nuk vdiq. Duke mos arritur të lirohej me kohë nga zinxhirët para se makina ta tërhiqte, Mooney mori lëndime serioze duke thyer eshtrat në disa vende.
Mooney i cili përdorë emrin artistik Moodini i Madh përgatit numrin spektakular në pistën e garave të automobilëve në Atlanta. Ai lidhi duart me zinxhirë duke e lidhur zinxhirin pas një automobili dhe sipas planit ai duhej të lirohej para se makina ta tërhiqte atë, megjithatë nuk shkoi gjithçka sipas planit.

U përpoq t’i hiqte prangat, por makina ishte më e shpejtë duke e tërhequr zvarrë. Magjistari ra me kokë duke thyer disa eshtra, nyjen e dorës dhe disa gishta. “Falë Zotit që shpëtova gjallë”, tha magjistari i cili gjendet në spital në Atlanta. Ai tha se këtë numër e kishte ekzekutuar dy herë më parë me sukses, shkruan Daily Mail. Ai tha se zinxhiri nuk ishte në rregull dhe për këtë arsye nuk mundi të lirohej me kohë.