Olsi feston ditëlindjen dhe shkëmben puthje me Olta Gixharin

[Juѕт٠]

Ka qenë një festë vërtet e madhe, ajo që Olsi Mingomataj ka organizuar për ditëlindjen e tij pak ditë më parë në Tiranë. Përveç miqve të tij të vjetër, kanë qenë të pranishëm VIP-at konkurrentë dhe balerinët e “Dancing with the stars”, ku pjesë e kësaj gare ishte dhe Olsi. Në këtë festë, ai ka festuar në praninë e të dashurës së tij të re, aktores Olta Gixhari, me të cilën ishte në rivalitet në këtë reality show. Lidhja e tyre u zbulua shumë shpejt, edhe pse të dy, si Olsi ashtu dhe Olta, u përpoqën ta mbanin të fshehtë. Tashmë, pas disa fotove ku Olsi e kishte prezantuar Oltën me familjen e tij, në këtë festë ata janë treguar të hapur në lidhjen e tyre, ndërsa kanë pozuar para fotografëve si çift bashkë dhe madje kanë shkëmbyer puthje gjatë mbrëmjes. Lidhjen që Olsi ka nisur me Oltën, 25 vjeç dhe me profesion aktore, kësaj here ka vendosur t’i japë nota serioziteti, ndërsa ka preferuar ta ndajë edhe me familjarët e tij, motrën e vetme dhe bashkëshortin e saj. Ka qenë kjo arsyeja ndoshta që në klub “Tokio” në zonën e ish-Bllokut, Olsi ka festuar ditëlindjen më të gjatë të tij deri në orët e para të mëngjesit.
Aktorja Gixhari dhe personazhi më i spikatur i dalë nga një një “reality show” si “Big Brother”, Olsi Mingomataj, u takuan si kundërshtarë në “Dancing with the stars” dhe, me sa duket, në festat pas spektaklit krijuan më shumë afrimitet me njëri-tjetrin.
Në fakt, sinjali i parë i fillimit të historisë mes tyre erdhi pas publikimit të disa fotove në faqet rozë të shtypit dhe të komentuara se mes tyre kishte nisur një lidhje intime. Pas kësaj, ishte Arian Çani që e pyeti Olsin direkt në spektakël, nëse kishte lidhje me Oltën që ai iu përgjigj me “Pse, jo?!” Deri tani duket si një lidhje e fortë, por jemi kureshtarë të dimë se si do të zgjasë më tej.