Ardiani: Krenar që jam kosovar

[Juѕт٠]

Talenti kosovar Ardian Bujupi, i cili ka hyrë në gjysmëfinalen të “Deutschland Sucht Den Superstar”, në një intervistë për “DW” thotë se është shumë i bindur që shqiptarët e kanë votuar me zemër dhe për këtë ai ndjehet shumë mirë. I pyetur se a mendon që Kosova i ka ndihmuar të arrijë deri këtu, ai është shprehur: “Po dhe mund të them që më ka ndihmuar shumë, sepse këtu në Gjermani, në Austri dhe në Zvicër ka shumë shqiptarë dhe jam i bindur që ata më duan dhe me shumë zemër më votojnë përmes telefonave. Unë ndjehem mirë në Gjermani edhe për faktin, sepse vetë gjermanët nuk kanë asgjë kundër shqiptarëve. Unë e ndjej për krenari që jam me origjinë nga Kosova”. Ardinani po ashtu ka zbuluar edhe rrugën se si kishte vendosur të marrë pjesë në “Deutschland Sucht Den Superstar”. “Një rol të madh kanë luajtur shokët. Ata më kanë shtyrë më së shumti për këtë. Ata shpesh më thoshin: Pse nuk po shkon ta provosh? Ti e ke zërin shumë të mirë. Ata më kishin vlerësuar në shumë koncerte që unë kisha dhënë si dhe nëpër mbrëmjet festive që zhvillonim në shoqëri. Unë aty isha protagonist i muzikës që mbahej në këto raste. Edhe vetë mendova që ta provoja veten duke menduar se është një shans që të jepet dhe ky shans duhet shfrytëzuar”, ka thënë Ardiani.