Zbulohet misteri i kinezëve me sy të gjelbër

[Juѕт٠]

Vite me radhë kanë qenë mister për tërë botën. Por, tani ky mister është shpjeguar. Testet e ADN-së zbuluan se banorët e fshatit të vogël kinez LI Kian në Kinën veriperëndimore nuk duken si bashkëqytetarët e tjerë.Ata kanë sy të gjelbër dhe sytë nuk i kanë kaq të dala dhe kanë flokë bionde. Shkencëtarët zbuluan se ata janë pasardhësit e ushtrisë romake që ka qenë e vendosur në këtë pjesë të vendit dhe është përzierë me popullatën vendase.Testet e ADN-së treguan se dy të tretat e popullatës në këtë fshat kanë prejardhje prej racës së bardhë. Sipas shkencëtarëve, banorët mund të jenë pasardhës të armatës së humbur të gjeneralit ushtarak romak Markus Krasus. Legjenda flet se në vitin 53 para erës së re, Markus është mundur dhe i është prerë koka në Iranin e sotëm, kurse armata e tij me vite me rradhë ka lëvizur në atë rajon, prandaj supozohet se kanë arritur deri në rajonin e lartpërmendur në Kinë, ku janë robëruar nga kinezët.Më vonë ata janë shpërngulur dhe kanë themeluar Li Kian. Në një prej varreve të asaj periudhe, i cili është eskhumuar, u dëshmua se personi i varrosur ka qenë i gjatë pothuajse dy metra, prandaj nuk ekzistojnë shanse të mëdha të ketë ekzistuar ndonjë kinez kaq i gjatë në atë periudhë të historisë.Gjithashtu, ekziston një teori që pohon se fshati ka qenë pjesë e “Rrugës së mëndafshtë”, e njohur si rruga e tregtarëve me mëndafsh, të cilët kanë ardhur nga të gjitha anët e botës dhe se prania e tyre ka kontribuar në pamjen e banorëve të sotëm.Por, sipas kërkimit të Jan Gongëll, të Universitetit në Pekin, nuk është e mundur fshati të jetë i populluar nga ushtria romake, sepse sipas llogarive të tij, ky fshat është formuar gjysmë shekulli para romakëve.