Mbroni zemrën tuaj me ushqime mesdhetare

[Juѕт٠]

Mbroni zemrën tuaj me ushqime mesdhetare

Në një kërkim të Harvardit, ku merrnin pjesë 732 gra, ato që ndoqën dietë mesdhetare kishin në gjak nivele më të ulëta të lëndëve kimike që janë përgjegjëse për shkaktimin e arteriosklerozës.

Dihet që ushqimet e kuzhinës tradicionale mesdhetare - frutat dhe perimet, vaji i ullirit, prodhimet e detit të shoqëruara me një gotë verë të kuqe çdo ditë, mund të kontribuojnë në shmangien e sëmundjeve të zemrës dhe të hemorragjive cerebrale. Sot, shkencëtarët mund të na shpjegojnë pse-në. Në kuadër të studimit të studiuesve italianë, 90 persona me nivele të larta sheqeri në gjak dhe me rrezik të rritur të sëmundjeve në zemër iu nënshtruan kuzhinës mesdhetare. Dy vite me vonë, vetëm 30 prej tyre vazhduan të kishin sindromën. Në një grup tjetër prej 90 vetash që thjesht zvogëluan marrjen e yndyrës, 73 prej tyre vazhduan të vuanin përsëri sindromën.

Në një kërkim të Harvardit, ku merrnin pjesë 732 gra, ato që ndoqën dietë mesdhetare kishin në gjak nivele më të ulta të lëndëve kimike që janë përgjegjëse për shkaktimin e arteriosklerozës. Frutat dhe perimet, falë cilësive të tyre antioksiduese, por edhe peshku, falë acideve yndyrore omega 3 që përmban, cilat rrethojnë e bllokojnë arteriet. Studimi në 20000 njerëz nga shkencëtarë të Universiteteve të Harvardit dhe Athinës tregoi se vaji i ullirit kontribuon në pakësimin e tensionit arterial. Ata që kishin tension të ulët merrnin çdo ditë përafërsisht 2 lugë gjelle me vaj ulliri. Specialistët theksojnë se kjo masë mjafton të mbrojë zemrën tuaj.

Si do ta përshtatni dietën tuaj:
* Shijoni një sallatë frutash në vend të një ëmbëlsire.
* Preferoni bukë me miell të pasitur në vend të të bardhës.
* Zgjidhni salca me përbërës vaj ulliri për sallatat tuaja.
* Shoqëroni vaktin tuaj me një gotë verë. (Kujdes: shmangeni në qoftë se keni rrezik të madh të shfaqjes të kancerit të gjoksit. Dhe kjo sepse disa kërkime tregojnë se alkooli mund të rrisë akoma më shumë rrezikun e shfaqjes së kanceri t të këtij lloji).

[Zanushja]

Në QKUK në Prishtinë u implantua defibrilatori i parë në Kosovë - pasi qe eshte teme per semundje te zemres...

Në Klinikën Interne të Qendrës Klinike Universitare të Kosovës, është kryer me sukses implantimi i defibrilatorit të parë, implantibil kardiovertues ( ICD), tek pacienti Xh. F.( 1962). Implantimi është kryer në Laboratorin për kateterizim të zemrës në QKUK, nga ekipi i mjekëve kardiologë, i udhëhequr nga Prof.dr. Masar Gashi, kardiolog, me asistencë të mjekëve ekspertë të këtij lëmi nga Sllovenia e Kroacia. Në Kliniken Kardiologjike të Qendrës Klinike Universitare të Kosovës, sot për herë të parë është bërë implantimi i defibliratorit - aparatit të stimulimit elektrik zemrës. Mjetet për blerjen e këtyre aparateve, edhe për vitin 2009, i ka siguruar Ministria e Shëndetësisë. Kjo ndërhyrje kirurgjikale është bërë me asistencë të kardiologëve sllovenë.
Në mungesë të mjeteve materiale për blerjen e këtij aparati, intervenimet e këtilla në zemër, deri më sot nuk janë kryer në Kosovë. Këtë intervenim kirurgjikal ndaj një pacienti 46-vjeçar nga Prishtina, i asistuar edhe nga mjekë sllovenë dhe kroatë, kreu prof. Dr. Masar Gashi, drejtor i Klinikës Kardiologjike të QKUK-së.

“Ne nuk kemi bërë në Kosovë, por kemi asistuar në implantime të tilla në klinikat jashtë Kosovës. Ky ka qenë një moment, në bashkëpunim ne kolegët e Sllovenisë dhe të kompanisë “Metronik” të fillojmë edhe në Prishtinë, pasi që me ndihmën e ministrisë që lejuan mjetet për blerjen e elektro-stimulatorëve dhe defibrilatorëve për vitin e ardhshëm”, tha Dr. Gashi.

Jeta e pacientëve me këtë aparat përmirësohet dukshëm dhe në afat të gjatë, tha Dr. Masar Gashi.
“Kualiteti i jetës së pacientit është i mirë. Përndryshe, siguria rritet, kështu që pacienti është i sigurt. Në momentin e duhur pacienti do të defibrilohet, aparati është në gatishmëri”, sqaron Dr. Gashi.

Me rastin e implantimit të aparatit të parë të elektro-stimulimit të zemrës në Kosovë, sot është mbajtur edhe Simpoziumi ndërkombëtar, respektivisht seminari i Meditronic-ut në temën "Terapia instrumentale në Kosovë, situata aktuale dhe perspektivat"
Simpoziumi, do mbahet në Qendrën e Telemjekësisë në QKUK, ndërsa në të pritet të marrin pjesë ekspertë të kësaj fushe nga Kosova, Kroacia dhe Sllovenia.

[Zanushja]

Shkencëtarët suedezë kanë vërtetuar se konsumimi i peshkut të yndyrshëm njëherë në javë parandalon sëmundjet e zemrës te meshkujt e moshave të mesme dhe të shtyra.
Megjithatë, rezultatet e studimit të publikuar në revistën “European Heart Journal” kanë treguar se konsumimi i më i madh i peshkut të yndyrshëm (do të thotë më shumë se një herë në javë) nuk kishte pasur ndikim më të madh në ruajtjen e shëndetit të zemrës.

Sido që të jetë, autorët e studimit rekomandojnë që peshku të konsumohet së paku dy herë në javë, ashtu sikurse rekomandon “American Heart Association”.

[Sponsored content]