Buci: Edhe në ‘Vip Shpija’ do të jap më të mirën për publikun

[Juѕт٠]

Yll Dervishi- Buci, fitues i ‘Shpija2’, i cili do të jetë edhe konkurrent në ‘Vip Shpija’ që pritet të fillojë më 1 prill, në një bisedë për Telegrafi.com thotë se është akoma herët të flitet për fituesin e “Vip Shpija”. Ndërkaq duke u ndërlidhur me deklaratën e Qetsorit, i cili ka thënë se do te jetë fitues dhe se që tani ka nxjerrë ne shitje shtëpinë e cila i dhurohet fituesit në garën e ‘Vip Shpia’, Buci thotë se është akoma herët për ta futur çmimin në ‘Shpija’, ngase sipas tij, kjo nuk është bastore por është një realit-shou me konkurrentë shumë të fortë. Por Buci shpreson se Qetsori nuk do të dëshpërohet kur të fillojë loja dhe t’i njohë të gjithë konkurrentet. "Me vjen mirë për vetëbesimin e Qetsorit, se po më duket nuk i njeh mirë konkurrentët. Tek ne është një shprehje popullore- ‘ruaju nga ai qe nuk fol se nga ai që fol nuk ka asgjë’”, shprehet Buci duke buzëqeshur. Ai thotë se nuk ia ka frikën Qetsorit dhe ndjehet shumë mirë që do ta ketë konkurrent atë, pasi që të dy kanë një eksperiencë triumfuese nga realit-shou. Për garën ne ‘Vip Shpija’ Buci është optimist se edhe ne këtë garë do të jetë ndër më të mirët.

“Pse të mos jem fitues edhe në ‘Vip Shpija’ duke mos hezituar për asnjë moment me shou vetëm për ta kënaqur publikun. Kam besim shumë të madh te publiku se nuk do më zhgënjejnë si në herën e parë ku falë tyre unë sot gëzoj çmimin kryesor, e shpresoj që edhe kësaj here do ta kem përkrahjen edhe me të madhe nga publiku’, shprehet Buci duke shtuar se është shumë i freskët për këtë garë dhe ka një strategji shumë të fortë, ngase ai jo shumë kohë më parë ka qenë fitues i realit-shout “Shpija 2”.

Buci, ka përfunduar bisedën e tij me një thënie "nuk është e rëndësishme të jesh më i miri, por me rëndësi është të japësh më të mirën nga vetja, e unë do ta pëlqeja ketë të dytën sepse dhashë gjithçka timen ku edhe publiku ma vlerësoj”.