Tre stile flokësh që na kujtojnë romantikën

[Juѕт٠]

Flokët tërheqin vëmendjen ndaj fytyrës, prandaj duhet të kujdeseni më
shumë për to pa marrë parasysh modën dhe stilin, ata gjithmonë duhet të
jenë të pastër dhe mirëmbajtur.
Këtë vjeshtë gjithçka është në shenjë
të spikatjes së feminitetit, kështu që më modern është stili i flokëve
të dredhura pak kështu do të keni një dukje të zakonshme romantike, por
me shumë përkushtim. Meqenëse aktualisht stili më modern i formës retro
të flokut është në përputhje me këtë stil të vjetër dhe modern. Moderne
janë stilet retro të flokëve që na kujtojnë romantikën dhe dukjen e
pafajshme.

Topuz
Stili i flokëve në formë të topuzit është
trend që vazhdon qysh nga vera e kaluar dhe do të jetë i pranishëm edhe
këtë vjeshtë. Ky stil i thjeshtë bëhet vetëm për disa minuta. Nëse gjatë
verës moderne ishin topuzet e ngritura lartë, tani vendosini të bëni
një topuz mesatar dhe elegant. Për të arritur këtë dukje interesante
mund të thurni një gërshetë. Ktheni gërshetën dhe do të keni një stil
elegant dhe modern të flokëve tuaj.

Bishti
Bishti
është stili më i thjeshtë dhe shpëtim për “ditët dhe jo aq të mira” të
flokëve. Kjo paraqitje që kohëve të fundit ishte shumë prezent në javët e
modë është e të gjithë kohërave. Bishti kujton brishtësinë dhe
pafajësinë. Një stil retro interesant i flokëve që kërkon vetëm disa
minuta të qëndroni para pasqyrës. Gratë më të moshuara që dëshirojnë të
kenë këtë stil të flokëve duhet të jenë shumë të kujdesshme që të mos e
shtrëngojnë të gjithë flokët, por pranë fytyrës të lëshojnë vetëm disa
fije, sepse në të kundërtën nëse floku është shtrënguar shumë i thekson
akoma më shumë rrudhat në fytyrë.

Flokë të dendur të ngritur lartë
Ky
stil krejtësisht është retro stil i flokëve. Ju duhet më shumë kohë për
ta bërë këtë, mirëpo pasi ta keni përforcuar me llakun për flokë, nuk
duhet më të kujdeseni për të. Në fillim flokët duhet të krihen mirë që
në rrënjë dhe më pas të përforcohet me llak. Një grua me një stil të
këtillë flokësh duket tërheqëse dhe jo e zakonshme, prandaj këtë stil
jua rekomandojmë sidomos kur dilni në mbrëmje.