Yllka, album në pesëvjetorin e Pavarësisë

[Juѕт٠]

Yllka Kuqi ka zgjedhur periudhën e kremtimit të pesëvjetorit të pavarësisë së Kosovës për ta promovuar albumin e saj të ri, i cili titullohet “Dhe të dua”. Kënga paralajmëruese e këtij albumi, “Vendit tim”, u lansua në festën e 100 vjetorit të Pavarësisë së Shqipërisë dhe i dedikohej dashurisë ndaj atdheut. “Në këto ditë feste dua t’ua sjell albumin tim më të ri, të quajtur ‘Dhe të dua’. Kam punuar bukur gjatë në këtë album, kam punuar me shumë dashuri ndër vite dhe besoj se do të pëlqehet në publik”, ka thënë ajo për Zëri. Promovimin e këtij albumi, Yllka do ta bëjë edhe përtej kufijve të vendit, pasi që gjatë këtyre ditëve këngëtarja do të performojë para artdashësve të saj që ndodhën në SHBA.