Noizy: Askush nuk mund të më afrohet sa u përket fitimeve

[Juѕт٠]

Reperi nga Shqipëria, Noizy, është lëvduar rreth fitimeve nga angazhimet e tij në muzikë. “Unë krijoj dy-tri këngë në ditë dhe jam aq shumë i kërkuar për koncerte, aq sa për sa u përket fitimeve të mia momentale nuk mund të më afrohet asnjë person i rëndësishëm apo pushtetar këtu”, ka thënë Noizy në emisionin e Adi Krastës, “A show”. Ai ka treguar se nuk e kishte imagjinuar se do të bëhej këngëtar në të ardhmen, pasi e kishte imagjinuar veten më shumë si aktor. “Eksperienca ime mund t’u shërbejë të gjithë atyre që kanë ëndrra në jetë. Unë sa herë vendosja kokën në jastëk, ëndërroja për ditën kur do të bëhesha i famshëm dhe tani më duket sikur po jetoj në realitet ëndrrën time”, ka shtuar reperi.

Kohët e fundit në internet janë komentuar deklarimet e tij se me paratë që fiton ka arritur të blejë tri shtëpi, katër automjete dhe studion e vet muzikore, që, sipas tij, ka kushtuar 200.000 euro.