Noizy sqaron konfliktin me Bleron

[Juѕт٠]

Reperi nga Shqipëria, Noizy, ka sqaruar një video të publikuar shumë kohë më parë në YouTube, ku shihet reperi duke fyer dhe kërcënuar këngëtarin kosovar Blero. Noizy në një emision ka thënë se ai ka sqaruar gjithçka me Bleron, por se atëkohë ishte fare pranë që ta grushtonte. “Ndërsa isha në Kosovë te miku im Mc Kresha, atij i erdhi një sms nga Blero, në të cilin shkruhej: ‘Ke bërë gjë duet me Noizyn?’. Mc Kresha ia ktheu përgjigje dhe i tha: ‘Po kam bërë duet me të’. Pas mesazhit të Kreshës atij i erdhi edhe një sms tjetër nga Blero në të cilin shkruhej: ‘Po si ke bërë duet me të, ai ka sharë Getin e Tingullit Trent”.

“Nuk deshi të ma tregonte, por unë ia rrëmbeva telefonin dhe e lexova. Më pas e prisja momentin që të vinte në Tiranë. Kur erdhi në Tiranë shkova për ta sqaruar muhabetin dhe ai kërkoi ndihmën e sigurimit, pasi nuk lejoj të ma fyejnë vajzën. Blero kërkoi falje për videon e publikuar dhe tani relatat tona janë normale. Kjo u vërtetua gjatë turneut me Zajminën në SHBA ku isha së bashku me Bleron”, u shpreh Noizy.

Telegrafi.com do të tentojë ta kontaktojë pop yllin kosovar Blero për të na e rrëfyer verzionin e tij për këtë ngjarje, ashtu si për më të rejat në karrierën e tij muzikore.