Festivali i parë i rock muzikës në Afganistan(Video)

nga **Juѕт٠** Sun Oct 09, 2011 7:16 pm

Gjatë vikendit në Afganistan u organizua festivali i parë i rock muzikës në 30 vitet e fundit. Shumë të rinj nga Afganistani, shumica prej të cilëve kurrë nuk kishin dëgjuar tingujt rock, u kënaqen me koncertet e rock grupeve nga Australia, Uzbekistani, Kazakistani dhe Afganistani.

Festivali “Sound Central” është diç krejtësisht e re në shtetin konservator mysliman, sepse muzika moderne ka qenë e ndaluar gjatë kohës së regjimit taliban. Edhe pse të rinjtë mezi e pritën një formë të këtillë argëtimi, duhet përmendur se ky festival megjithatë dallonte dukshëm prej rock festivaleve në vendet tjera. Alkooli ishte i ndaluar rreptësishtë, ndërsa ushqimi i vetëm që ofrohej ishin qebapët.

Koncerti u ndal dy herë për t’iu përgjigjur thirrjes së ezanit për tu falur në xhami. “Ku jetoj unë nuk ndodhë një gjë e tillë. Kam dëgjuar se do të mbahet një festival dhe kam ardhur. I kam mbijetuar regjimit të talebanëve, ndërsa ky është një ndryshim vërtetë freskues”, tha Ahmad Shah i cili erdhi në Kabul nga Kandahari.

Gjatë kohës sa mbahej koncerti ishin shtuar edhe masat e sigurisë, ndërsa data dhe vendi ishin mbajtur sekret deri në momentin e fundit.

Festivali është mbajtur në parkun e bukur Babur i cili rrethon varrezat e vjetra disa qindra vjet. Rreth 450 veta morën pjesë në koncert.