Plaçkiti bankën, mori vetëm një dollar vetëm sa për ta futur në burg

[Juѕт٠]

Në përpjekje për të marrë ndihmën adekuate të mjekut, Richard James Verrone (59 vjeçar) plaçkiti bankën në Karolinën e Veriut, ku vjedhi vetëm një dollar.
Në fakt Verroneit të papunë i duhej urgjent ndihma e mjekut dhe nuk kishte para për tu shëruar. Kështu që vendosi të plaçkisë bankën për t’i nxitur policët që ta arrestojnë, ku do t’i nënshtrohej shërimit falas.

Pasi hyri në bankë punëtores ia tregoi thesin në të cilin shkruante: “Jam i armatosur. Ma jep një dollarë”.

Më shumë e befasuar sesa e frikësuar, punëtorja e bankës e dëgjoi dhe ia dha paratë e kërkuara. Varrone urdhëroi punëtoren ta thërrasë policinë, ndërsa ai u ul dhe priti arrestimin me gjakftohtësi.

Policia njoftoi se ky burrë i pafat nuk ishte i armatosur, por megjithatë e arrestuan dhe e dërguan në burg, që ishte edhe qëllimi i tij. Verrone ka problem me shpinën dhe këmbën e majtë dhe pasi nuk ishte i punësuar dhe nuk kishte sigurim shëndetësor, u detyrua ta përpilojë, siç tha ai, këtë plan për t’i ndihmuar vetes. Megjithiatë, ai do të lirohet nga burgu pas një muaji, edhe pse shpresonte se do të qëndronte më gjatë pasi për shërim i nevojitet të paktën një vit.