Baletani 91 vjeçar ende ekzekuton piruetin

nga **Juѕт٠** Thu Jun 23, 2011 9:40 am

John nga Britania e Madhe çdo ditë ushtron në shtëpi, ndërsa shkon në orët e baletit tri herë në javë. Ndjehet i frustruar pasi nuk mund t’i ekzekutojë disa pika siç ka mundur t’i bëjë më herët.
John Lowe (91 vjeçar) me siguri është baletani më i vjetër në Britaninë e Madhe, ndërsa edhe sot mund t’i ekzekutojë disa pika baleti që kërkojnë goxha angazhim, siç është pirueti.

Me balet filloi të merrej në moshën 79 vjeçare, pasi që vajza e tij u bë balerinë profesioniste, ndërsa vallëzimi e fascinonin. Ai thotë se çdo ditë stërvitet në shtëpi, ndërsa në orët e baletit shkon tri herë në javë.

Instruktorja e tij, Helen Pettit, thotë se John ka një talent të jashtëzakonshëm. Megjithatë, instruktorja thotë se shëndeti i tij nuk është aq i mirë sa t’i ekzekutojë disa pika që përfshijnë edhe kërcimet, shkruan Daily Mail.