Genta Ismajli tepër e angazhuar me muzikë

[Juѕт٠]

Genta Ismajli thotë se ajo është shumë e angazhuar duke punuar në krijimet e reja muzikore, të cilat pret t’i lansojë në fund-vit dhe në fillimi të vitit të ardhshëm. “Angazhimet aktualisht janë të shumta. Janë xhirimet e Vitit të Ri, të cilat thuajse janë në një kohë nëpër të gjithat televizionet tona, dhe gjithashtu jam duke përgatitur edhe disa këngë të reja. Disa prej tyre nuk janë të gatshme për lansim, por janë diku katër këngë të gatshme dhe tani do të shohim se cilat do t’i këndoj për fund-vit”, është shprehur Genta për të përditshmen “InfoPress”. Përveç këtyre këngëve ajo ka bërë me dije së shpejti do të realizojë edhe këngë tjera, të cilat do t’i lansojë përmes një CD-je menjëherë pas Vitit të Ri. “Në këtë CD, të cilën mendoj ta lansoj në fillim të vitit 2011, do t’i përmbledh këto këngët e reja dhe disa nga hitet e mia të dëgjuara tashmë. Do të ketë shumë bashkëpunime dhe do të bashkëpunoj me më të suksesshmit”, ka përfunduar Genta.