Eskalimi i dukurive të pazakonta në qiell (Video)

[Juѕт٠]

Vitin e kaluar dhe në fillim të këtij viti është regjistruar një rritje e rasteve të UFO-ve në mbarë botën, duke përfshirë këtu edhe qiellin mbi Evropë. Në këtë dukuri prinë Rusia, mbi qiellin e së cilës janë parë në qiell shumë anomali, fluturake, ndërsa është raportuar se është xhiruar edhe një jashtëtokësor i mundshëm.
Njëri prej rasteve të fundit është regjistruar në Moskë. Janë vërejtur drita të pazakonta me ngjyrë kuqe duke fluturuar mbi qytet. Kjo dukuri është xhiruar edhe me kamerë, ndërsa përveç objektit të madh i cili pulson në mënyrë ritmike, është vërejtur edhe një objekt më i vogël i cili nga fluturakja e madhe u lëshua në drejtim të tokës.

Objekti i kuq i madh qëndroi pezull në qiell për disa minuta, kështu që bie poshtë teoria se ai mund të ketë qenë helikopter ose aeroplan. Po ashtu, kjo është vetëm njëra prej dukurive të shumta të cilat kemi rastin t’i shohim në qiell, sidomos mbi qytetet e mëdha.