Yuri Gagarin, 50-vjetori me “lansimin” e kitarave

nga **Juѕт٠** Wed Apr 13, 2011 12:31 pm

Studentët në Rusi shënuan 50 vjetorin e misionit hapësinor të Yuri Gagarinit duke lansuar raketa në formë kitare. Spektatorët shikuan derisa kitarat lansoheshin në drejtim të qiellit.
Ishte një pamje e pazakontë derisa shihje duke fluturuar në ajër kitarat elektrike në qytetin Krasnoyarsk të Siberisë.

Studentët e Universitetit Shtetëror të Aero-hapësirës në Siberi lansuan këto raketa më 10 prill të cilat i konstruktuan vetë. Ky lansim ishte dy ditë para Ditës së Aviacionit dhe Kozmonautikës, që shënon 50 vjetorin e kozmonautit Yuri Gagarin, i cili bëri rrotullimin e parë rreth botës me një anije kozmike.

Para një gjysmë shekulli më 12 prill 1961 Gagarin u bë njeriu i parë në botë i cili udhëtoi në hapësirë dhe bëri një orbitë rreth Tokës.