Përplaset Qetsori me Berkanin tek “Vip shpija”

[Juѕт٠]

Më 1 prill ka filluar spektakli me vipa “Vip shpija”, edicioni i dytë. Mes shumë banorëve nga Kosova e Maqedonia, pjesëmarrës janë edhe Qetsori, si dhe Bertina Mehmeti nga edicionet e “Big Brother”. Në vazhdim do ju sjellim disa thënie të banorëve VIP në ditët e para të tyre si konkurrentë. Janë plot 48 ditë që personazhet e njohur do jetojnë në kushte izolimi, si dhe një kohë e mjaftueshme për të kuptuar diçka më shumë rreth perosnalitetit të tyre, duke shpresuar që të mos ketë debate si vitin e kaluar që degjeneruan gati në dhunë fizike. Publiku mund të ndjekë si argëtohen brenda shtëpisë Mc Kresha, Rovena Stefa, Ardit Stafaj, Adelina Tahiri, Qetsori, Elida Shasivari, Berkani, Fjolla Morina, Xuxi, Bertina e shumë të tjerë. Ditët në vazhdim për një kohë të shkurtër pritet të futen dhe Zajmina Vasjari, Ingrid Gjoni e Mariza Ikonomi…

Bertina e “BB3”, surprizë tek “Vip Shpija”
“Pata kënaqësinë të kem afër persona që thjesht i kam parë vizualisht dhe tani po argëtohem”, ishin këto fjalët e Bertinës pas futjes në “Vip Shpija”, si surprizë për banorët VIP në spektaklin i cili ka filluar më 1 prill. Bertina është pritur mirë nga banorët e tjerë dhe shpesh është bërë pjesë e diskutimeve brenda spektaklit.

Fjolla Morina mëson banorët të kërcejnë belly dance
Këngëtarja Fjolla Morina, gjithashtu është bërë pjesë e këtij konkurrimi, ku mes shumë banorëve VIP këngëtarja ka shfaqur talentin e saj për kërcim. “E ndjeva veten mirë, çdo orë që shkon e kaloj bukur”, thotë Fjolla, teksa i drejtohet publikut. Këngëtarja është parë duke kërcyer me banorët e tjerë (belly dance-vallëzim tradicional turk) si dhe duke mësuar të tjerët se si kërcehet.

Qetsori e akuzon për vjedhje të një kënge, Berkani mbrohet pa fakte
“Të gjithë kanë thënë se është një melodi interesante, dikush ka menduar se ajo është këngë e vjedhur. Në qoftë se kënga ekziston e është përhapur, dmth se e ke vjedhur mbase pa dashje”. Ishin këto fjalët të cilat Qetsori ia thoshte Berkanit, duke e akuzuar se kënga e tij “Maratonë” është melodi e vjedhur nga një këngë e huaj.

Berkani në anën tjetër është munduar të mbrohet, duke thënë se ka shumë këngë të cilat kanë melodi të ngjashme, por nuk do të thotë se janë të vjedhura. Berkani i është përgjigjur Qetsorit duke u mbrojtur, por duke mos dhënë fakte bindëse për këngën e tij.