Besa: Nuk jam lesbike

[Juѕт٠]

Besa Zeqiri, motra e këngëtares së famshme kosovare Dafina Zeqiri, gjatë një interviste për Telegrafi.com ka hedhur poshtë thashethemet se ajo ka joshje për gjininë e njëjtë. Kohëve të fundit është shkruar nëpër mediat shqiptare se Besa ishte lesbike, por bukuroshja kosovare e cila është e njohur si modele në Suedi ka mohuar një gjë të tillë. “Të gjithë miqtë, familja dhe njerëz profesional rreth meje e dinë që unë nuk jam lesbike. Kjo është shumë fyese dhe diskriminuese, kjo shkatërron reputacionin tim. Kanë kaluar shumë kufij. Unë nuk ndjej asgjë seksualisht për femrat”, ka pohuar Besa për Telegrafi-n. Thashethemet e fundit ishin bazuar në disa foto të Besa Zeqirit dhe një modele tjetër, ku të dyja janë afër njëra-tjetrës. Fotografia ka nxitur mediat ta vënë në dyshim orientimin e saj seksual. Por, sipas Besës, fotografia në fjalë nuk kanë asgjë për të dyshuar dhe se është shumë profesionale. “Nëse ju e shikoni fotografinë nga afër e shihni se unë nuk e kam puthur asnjë vajzë. Unë kurrë nuk kam puthur asnjë femër dhe kurrë nuk do ta bëja, nuk ka interesa nga ana ime për të bërë diçka të tillë. Fotografitë janë profesionale dhe merren për qëllime profesionale”, është shprehur Besa.




Besa po ashtu ka folur edhe për karrierën e saj si modele. Ajo shprehet e kënaqur se si janë duke ecur gjërat dhe shpreson të fillojë angazhimet edhe jashtë Suedisë.

“Tani për tani unë kam shumë agjenci të modelimit që janë të interesuara, dhe agjencia ime ‘Swedenmodels’ dëshiron që unë të filloj të punoj edhe jashtë vendit. Unë vet kam shumë plane që të shkoj në Milano, Paris, Nju Jork, etj, etj. Në botën e modës gjërat mund të ndryshojnë shumë lehtë dhe shpejt”, ka përfunduar Besa.