Ndahet grupi NewPorn

[Juѕт٠]

Rep grupi “Newporn” duket se më nuk do të jetë pjesë e skenës sonë muzikore. Anëtarët e grupit, Agon Anadolli a.k.a ‘Singullar’ dhe Orik Drançolli a.k.a ‘Viagra’ i kanë dhënë fund bashkëpunimit afro një vjeçar. Lajmin për shpërndarjen e grupit e pohojnë të dy këngëtarët për gazetën Zëri. Ata thonë se kjo ndërprerje e bashkëpunimit ka qenë me marrëveshje që nga fillimi i punës. Sipas tyre, marrëveshja ka qenë që së bashku të realozojnë vetëm albumin me titull ”Newporn”, i cili është edituar vitin e kaluar dhe më pas secili të veprojë individualisht. “Për ndarjen e grupit tonë është bërë publike këto ditë, ndërsa unë bashkë me shokun tim, Orikun, këtë marrëveshje e kemi arritur që prej verës së vitit të kaluar. Gjatë përfundimit të realizmit të albumit, ne e kemi diskutuar këtë gjë dhe jemi dakorduar që pas editimit të albumit të shkëpusim bashkëpunimin si grup”, ka thënë Agroni duke konfirmuar se më nuk është as pejsë e Baba Recrods. “Nuk kam pasur kontratë me Baba Records dhe në momentin që e kam ndërprerë bashkëpunimin me Orikun, unë jam i lirë të bashkëpunoj me kë të dua”, ka pohuar Agoni. Ndërkohë në anën tjetër Oriku duke pohuar fjalët e Agonit ka thënë se ndërprerja e bashkëpunimit nuk mund të ndikojë edhe në ndërprejren e raporteve mes tyre. “Natyrisht se ne jemi shokë. Ai bashkëpunim ka qenë vetëm për një album. Nëse ne e shohim të arsyeshme për të bërë prapë diçka së bashku, mund ta bëjmë. . Ne nuk kemi asgjë të keqe mes njëri-tjetrit:, ka thënë Orik Drançolli.