Afrodiziaku malazez

[Juѕт٠]

Zbuluesit malazez nga fshati Piva kanë patentuar afrodiziakun vendor Pivagra, shkruan gazeta e Podgoricës “Vijesti”. Pronarët e fshatit vëllezërit Milonja dhe Radonja Blagojevic po promovojnë këtë pije të çuditshme.
Shpresojnë se Pivagra mund t’i ndihmojë shumë burra për tu ndier krenarë në shtrat dhe për ta bërë më interesante jetën e tyre seksuale.

Pivagra është përzierje e më shumë se 15 barnishtave dhe rrënjëve të bimëve të cilat njihen në mjekësinë popullore si afrodiziakë të mirë. Pija përmban edhe propolis dhe bajame.

“Që moti ekzistojnë gojëdhëna për rolin e pijeve në jetën seksuale. Recetat ruhen për mijëra vjet, ndërsa legjendat për pijen si afrodiziak i fuqishëm gjithmonë e kanë përcjellë historinë e njerëzimit. Kështu ka lindur edhe kjo pije”, tha Milonja.