‘Çmenden’ japonezët, kanë filluar të hapin gropa

nga **Juѕт٠** Wed Feb 09, 2011 12:43 pm

Më shumë se 1.000 japonezë të dielën në paralagjen e Tokios morën pjesë në garën e hapjes së gropave në tokë, shkruan “Telegraph”. Gara e hapjes së gropave vitet e fundit është bërë hit në Japoni.

Garuesit janë të ndarë në 200 ekipe dhe kanë gjysmë ore kohë për të gropuar sa më thellë që munden. Ata mund të fitojnë pikë shtesë nëse ekipi hapë gropën më origjinale.

Ekipet zakonisht përbëhen nga kolegë të punës, gra, shoqe, por edhe fëmijë. Nëse njëri ekip ia hedh tjetrit dheun në gropë ose vetëm provon ta bëjë një gjë të tillë automatikisht diskualifikohet.

Ekipi i cili arrin që për 30 minuta të hapë gropën prej 3.26 metra fiton shpërblimin prej rreth 1.000 dollarë dhe statujën e Lopatës së Artë.

Gara nisi para 11 viteve për të tërhequr vizitorët në një kamp lokal. Gropat hapen në një teren, i cili nuk përdoret gjatë dimrit.

Pas garës punëtorët e kampit i mbyllin gropat për ta përgatitur terrenin për vitin tjetër.