Promovohen dy libra të Jakup Krasniqit

[Juѕт٠]

Promovohen dy libra të Jakup Krasniqit

Në Prishtinë u promovuan sot dy libra të Jakup Krasniqit, “Kosova në kontekst historik” dhe “Pavarësia si kompromis”. Këto vepra konsiderohen si kronikë ngjarjesh për situata të ndryshme politike. ...

Pjesëmarrësit në promovimin e librave “Kosova në kontekst historik”, dhe “Pavarësia si kompromis”, vlerësuan se këto vepra ngërthejnë në vete tema, që shqetësim kanë të kaluarën, të sotmen dhe të ardhmen e Kosovës.

Libri “Kosova në kontekst historik”, i cili është ribotuar, përbëhet nga tre pjesë, me tema historike, aktuale, fjalime dhe ligjërata.
Basri Musmurati, tha se autori ka trajtuar çështje të ndryshme për vendin e tij. Duke folur për të kaluarën, Jkup Krasniqi, ka bërë një analizë me fakte raportin e shqiptaro-serbëve në kontekstin historik.

“Sipas dr. Jakup Krasniqit, konflikti mes këtyre dy popujve nuk duhet cilësuar si konflikt etnik, ideologjik, fetar, por mbi të gjitha duhet cilësuar si konflikt për territore...”

Kryetari i Shoqatës së Botuesve të Kosovës, Daut Demaku, tha se posti i Jakup Krasnqit, që meriton të respektohet gjithmonë, është ai i zëdhënësit të Ushtrisë Çlirimtare të Kosovës.

“Në këto dy libra do ta takoni po atë njëri, të asaj epoke të kthesës së madhe, të historisë së re, të qartë dhe plotësisht të vërtetë...”