Liberta Spahiu largohet përfundimisht nga modelimi

[Juѕт٠]

Modelja dhe prezantuesja kosovare Liberta Spahiu në një bisedë për Telegrafi.com ka treguar se ajo më nuk do të jetë pjesë e pistave të modës. Liberta, e cila së fundmi u prezantua në sfilatën “Gjigant”, të stilistit kosovar Valdrin Sahiti, thotë se ajo nuk e ka më atë pasionin e njëjtë për modelimin. “E bëra për Valdrinin, e pashë që nuk e kam më pasion. Ishte dëshirë e kaluar dhe ndjenjë që nuk më shprehte asnjë risi tek unë. Nuk e kisha pasion. Ecja e kujdesshme e imja duhet të jetë në jetë e jo në sfilatë. E kam ndërruar destinimin. Ecja e modelshme duhet të bëhet në pasarelën e jetës”, është shprehur zeshkania.



Liberta përveç që është njohur si një modele e suksesshme, ajo ka filluar të njihet edhe si prezantuese e motit në televizionin Klan Kosova, për të cilën thotë se është një punë e këndshme.

“Punë e këndshme. Çdo punë që e kryen duhet ta marrësh seriozisht dhe me dëshirë”, ka pohuar më tej Liberta.