Si të kujdeseni për protezat tuaja!

[Juѕт٠]

Si të kujdeseni për protezat tuaja!


Largimi i protezës së sipërme


Largimi i protezës së poshtme


Është shumë me rëndësi që të pastroni dhe kujdeseni çdo ditë për gojën dhe protezën tuaj, me qëllim që të duken estetike, të ndiheni rehat me to por edhe të jenë funksionale. Nuk është e mjaftueshme që protezën tuaj vetëm ta shpërlani në vrushkull uji apo ta futni në pastrues ujorë të protezave. Ju duhet ti pastroni protezat dhe gojën me brusha të buta dhe pasta të ndryshme dentare jo abrasive, por shumë lehtësisht, çdo herë
pas ushqimit.




- Mos i pastroni protezat në ujë të nxehtë; përdorni vetëm ujë
të vakët apo të ftohët kroni.
- Duhet të pastroni të gjitha sipërfaqet e protezës (mbrenda dhe
jashtë), me brushë të butë dhëmbësh dhe pasta joabrazive.



- Përderisa i pastroni keni kujdesë mos tju bien nga dora, për
këtë arsye vendosni një peshqir mbi lavaman me qëllim që
të amortizoj goditjen e protezës nëse rastësisht ju bie nga
dora (më së miri është që proteza të mbahet me gishtin e
madhë dhe atë tregues).

- Nëse proteza ka erë të keqe (kundërmon) atëher vendoseni
ate për 30 minuta në një nga shpërlarësit e gojës që ju
përshkruan stomatologu juaj apo në njërën nga këto tretje
ujore:
- Një gotë të mbushur ½ ujë dhe ½ uthull,
- 2 lugë të sodës së kuzhinës (bikarbona) në ½ gotë ujë
kroni,
- Një gotë ujë kroni të përzier me pastrues të ndryshëm protezash
në formë pluhuri apo tabletash
- Nëse keni kreshta shumë të atrofuara (harxhuara), apo edhe
nëse keni gojë të thatë atëher mund të përdorni edhe
adheziv të ndryshëm që ju përshkruan stomatologu juaj.
- Mundohuni që gjatë natës ti largoni nga goja, me qëllim që
indet mbështetëse të relaksohen (kjo i duhet gojës suaj).
- Nuk ju lejohet që ju vetë të mundoheni ti rregulloni protezat
tuaja, për këtë arsye duhet gjithsesi ta vizitoni stomatologun
tuaj.


Duhet ta vizitoni stomatologun tuaj:
- Për të gjitha seansat që stomatologu cakton për ju.
- Nëse keni pengesa (dhimbje, djegije, gojë të thatë,…) për
më tepër se një javë.
- Nëse protezat tuaja bëhen të shlira në gojë.
- Një herë në vit për kontrolla rutinore.