Gjatë shtatzënisë lani dhëmbët më shpesh

[Juѕт٠]

Gjatë shtatzënisë lani dhëmbët më shpesh

Komplikimet gjatë shtatzënësisë, për të cilat mjekët nuk kanë ndonjë shpjegim, janë të shpeshta. Shkencëtarët mendojnë se ato shkaktohen nga një higjienë jo e mirë e gojës, respektivisht nga bakteret të cilat jetojnë në zgavrën e gojës dhe të cilat, me anë të gjakut, mund të barten edhe te embrioni. Bakteret mund të shkaktojnë probleme serioze, duke përfshirë edhe lindjen e parakohshme, peshën e vogël në lindje, shtërzimet e parakohshme dhe infektimet e embrionit. Në rast të prerjeve dhe lëndimeve të tjera, bakteret hyjnë në gjak dhe shkojnë deri te mitra. Nëse keni problem me dhëmbë, mundohuni që, para se të mbeteni shtatzënë, t’i rregulloni të gjithë dhëmbët e prishur.
Nëna e ardhshme duhet që t’i lajë dhëmbët me rregull, përkundër faktit se larja e dhëmbëve mund të shkaktojë vjellje. Në një rast të tillë keni mundësi që ta ndërroni pastën e dhëmbëve. Gjatë shtatzënësisë, në organizmin e gruas vjen deri te paraqitja e ndryshimeve hormonale. Hormonet qarkullojnë në trup dhe me anë të gjakut edhe deri te mishi i dhëmbëve. Kjo mund ta rrisë rrezikun e paraqitjes së sëmundjeve në zgavrën e gojës. Kujdes të veçantë duhet treguar ndaj femrave të cilat edhe para shtatzënisë kanë pasur probleme me mish të dhëmbëve.