Stomatitet

[Juѕт٠]

Stomatitet

Stomatitet janë inflamacione të mukozës së gojës ndersa gjingjiviti ështe inflamacion vetëm i mishrave të dhëmbeve.
Stomatitet shkatohen nga mikrobë virulentë që hyjnë në gojë nga jashtë ose me anën e gjakut, ose mikrobe saprofitë që gjenden zakonisht në kavitetin e gojes dhe që virulentohen si pasoje e dobësimit të mekanizmave mbrojtës të organizmit. Këto mikrobë janë zakonisht streptokoket. Këto infeksione favorizohen nga disa faktorë lokalë dhe te pergjithshem si;
-dëmtimi mekanik i mukozës (tartar, trauma gjatë përtypjes, proteza, etj.),
-lëndë antiseptike irituese,
-ndryshimi të flores bakteriale nga përdorimi i antibiotikeve,
-çrregullime te daljes së dhëmbëve të syrit,
-sëmundje infektive,
-avitaminoza B, PP, C, çrregullime endokrine,
-sëmundje të gjakut, të metabolizmit, sëmundje kronike dobësuese dhe intoksikime ekzogjene, medikamentoze, profesionale, aksidentale (ar, zhivë, etj.).
Diagnoza shpesh është e vështirë për arësye të ndryshme. Së pari duhet të kërkohen lezionet mukoze karakteristike për semundjet e ndryshme: eritemë e thjeshtë ; eritema me erozione; eritemë me hemoragji difuze; ulçerime; vezikula; afta; gangrenë.



Stomatiti vezikular
Herpesi viral që lokalizohet kryesisht në buzë, disa herë edhe në gjingjivat shoqërohet nga shenjat e përgjithshme të infeksionit akut (pneumonia, menengiti, gripi, semundjet e të ftohurit, etj.).
Ne mukoze formohen fshikëza të vogla me lëng seroz që çahen dhe bashkohen në formë ulçerimi të mbuluar me kore.
Mjekohet me antibiotikë dhe shpëlarje, gjithashtu rekomandohet marrja e vitaminës B1.



Stomatiti aftoz
Afta është një vezikulë e mbushur me një lëng të bardhë që, pas çarjes, ulçerohet me një fund ngjyre gri.
Simptomat janë: dhëmbje djegëse, shumë të bezdisshme; zakonisht formohen 1-2 afte, që lokalizohen në fornikset gjingjivale. Vazhdojne 5-6 dite. Dalin prapë në të njejtin vend pas disa muajsh.