Futboll me bikini për ta shpëtuar klubin

[Juѕт٠]

Një klub futbolli i femrave nga Rusia i cili po përballet me probleme financiare ka gjetur një metodë të veçantë për të tërhequr shikuesit në stadium – lojën e ardhshme lojtaret e klubit do ta luajnë vetëm me bikini.
Klubi Futbollistik Rossiyanka nga Krasnoarmeysk afër Moskës mori këtë vendim pasi panë në fund të sezonit se borxhet po rriteshin.

I themeluar në vitin 1990, FC Rossiyanka ka fituar Kampionatin e Ligës Futbollistike të Femrave tri herë, më 2005, 2006 dhe 2010, ndërsa është kualifikuar dy herë për Ligën e Kampionëve të Futbollit të Femrave – dy herë ka arritur në çerekfinale.

Trajnerja e klubit Tatyana Egorova tha se përkundër këtij suksesi, ende nuk janë shumë të famshëm dhe shpreson se pak reklamë do t’i ndihmojë klubit për të grumbulluar fonde.

Fotografia e tyre publicitare për të promovuar ndeshjen e ardhshme është pritur shumë mirë nga mediat ruse por edhe ato botërore.