Rezarta zhvesh nudo modelen dhe ironizon Rozanën

[Juѕт٠]

“Një ndër pasionet më të mëdha në jetën time është të fotografoj. Më duket sikur ndalon koha dhe ai kujtim, ajo shkrepje do të mbetet në përjetësi”. Me këto fjalë e ka përshkruar këngëtarja, modelja, piktorja Rezarta Shkurta, pasionin e saj për foton, që siç duket, së fundmi është shndërruar në profesion. Edhe pse është duke punuar për dy këngë të reja, këngëtarja e cila pas sherrit me Rozana Radin ka përfunduar në prokurori, nuk e ka frenuar fantazinë e saj para aparatit fotografik. Ndërkohë që shpesh ajo është vetë modelja që pozon për të tjerët (ku nuk ka ngurruar të zhvishet edhe nudo), kësaj radhe Rezi ka zgjedhur të zhveshë të tjera modele, sikurse e shihni edhe në foto- një vajzë me ngjyrë, të panjohur për publikun shqiptar, por ama shumë sensuale…
Ajo e ka fotografuar vajzën me lëkurë çokollate në një natyrë të egër dhe shkëmbore, si dhe mbi një kalë, ku qëndron e zhveshur.
Fotot e saj artistike, mes së cilave edhe kjo që po ju servirim, janë pritur shumë mirë nga komentet e ndryshme në rrjetet sociale të komunikimit virtual. Megjithatë, Rezi nuk ka lënë pa përmendur mes falënderimeve për punët e saj, edhe inatin që ka me Rozanën, sidomos pas deklaratave të kësaj të fundit, që fotot topless të Rozanës i ka nxjerrë në shtyp pikërisht Rezarta Shkurta.
“O teta gazetarja, thuaji Rezartës se më ka vjedhur bukën me reçel”, – ka shkruar në profilin e saj në Facebook Rezi, duke bërë pra ironi me sjelljen e këngëtares/aktores Rozana Radi. Kohët e fundit kanë qenë disi të trazuara por edhe të suksesshme për Rezin, pasi ndërkohë që vijon ndjekja përmes rrugës ligjore e sherrit të saj me Rozanën, karriera e saj muzikore ka njohur ngritje.
Së bashku me Vedat Ademin, Rezarta u ka dhuruar fansave një nga këngët më të bukura të këtyre kohëve, “Iki larg”, për të cilën u vlerësuar me dy çmime në festivalin që zhvillohet në Kosovë, “Videofesti Muzikor”; Best duet video dhe Best Pop Video.