Zyrtare: Koncerti i Busta Rhymes më 25 prill

nga **Juѕт٠** Sun Apr 17, 2011 1:39 pm

As nuk është anuluar, e as nuk do të mbahet më 29 prill – Koncerti i Busta Rhymes në Prishtinë madje do të mbahet më herët, më 25 prill.
Kështu ka konfirmuar vet organizatori Drin Zatriqi me anë të profilit të tij në Facebook, ku ka postuar dhe një video të këngëtarit i cili konfirmon se do të jetë në Prishtinë më 25 prill. “Busta Rhymes njëherë tha se nuk do të vijë. Më pas tha se do të vijë. Busta Rhymes i ka anuluar shumicën e koncerteve, Prishtinën asnjëherë! Ai po vjen më 25 prill, katër ditë më herët…edhe më mirë”, shkroi në profilin e tij Drin Zatriqi. Koncerti i cili do të mbahet më 25 prill në sallën 1 tetori do të jetë një prej më të mëdhenjve të parë ndonjëherë në Kosovë. Në të do të marrin pjesë edhe shumë rep grupe nga Kosova të cilat do jenë të pranishme në fazën warm-up. Ky koncert u mundësua nga Full House dhe NextLevel.