“Eposi i Kreshnikëve” në rrezik zhdukjeje

[Juѕт٠]

“Eposi i Kreshnikëve” është i rrezikuar çdo ditë e më shumë. Për këtë arsye, Komitetit Kombëtar i Trashëgimisë Kulturore dhe Shpirtërore ka miratuar përgatitjen e një dosje për t'ia propozuar si kryevepër në rrezik UNESCO-s.

Një nga veglat muzikore që rrezikon të zhduket, pasi brezat e rinj nuk e përdorin më është edhe lahuta e zonave veriore të Shqipërisë.

“Regjistrimi në këtë listë do të sjellë rigjenerimin dhe rivlerësimin e kësaj tradite që ka ndikuar edhe në formatimin e mënyrave të të kënduarit me çifteli, sharki dhe në krejt korpusin e muzikës veriore”, tha kryetari i grupit të punës, akademiku Vaso Tole.

Deri në mars të vitit 2012, grupi i punës duhet t’ia dërgojë dosjen UNESCO-s, është i përbërë nga Zymer Neziri, Shaban Sinani, Agron Xhangolli, Gjovalin Shkurtaj, Olsi Lafe dhe Esat Ruka.

Dosja do të përmbajë të gjithë “Eposin e Kreshnikëve”, ku parashikohen edhe masat që duhet të merren për mbrojtjen e kësaj trashëgimie me vlerë.

"Eposi i Kreshnikëve" është një epos legjendar i përbërë nga kënge të ndryshme epike, ku këngët kryesisht shoqërohen me lahutë.