Për shkak të stresit filloi të hajë sapun dhe detergjent

nga **Juѕт٠** Mon Feb 07, 2011 7:00 pm

Tempestt Henderson (19 vjeçare) thotë se han deri në pesë sapunë në javë, pasi ia përkujtojnë shtëpinë. Ishte e vetmuar në fakultet, kështu që iu drejtua erës së njohur të shtëpisë.
Henderson nga Florida gjysmë viti ka qenë e varur nga sapunët dhe detergjentet për larjen e rrobave dhe thotë se në javë ka hëngër deri në pesë sapunë.

“Më kujtohet kur kam lyer për herë të parë gishtin me detergjent. Futa pluhurin në gojë dhe ishte i ëmbël dhe i njelmët në të njëjtën kohë”, tha Tempestt dhe shton se e di që varshmëria e saj është e rrezikshme, por e ka të vështirë të heqë dorë.

“Nën dush kam lëpirë copën e sapunit. Ka një shije të mrekullueshme”, thotë ajo.

Pas gjysmë viti vendosi të kërkojë ndihmë nga mjeku. I thanë se vuan nga çrregullimi i njohur si ‘PICA’ për të cilin ka nevojë të hajë substanca nutritive. Në të tilla raste njerëzit hanë monedha, metale, sfungjerë, baktere bile edhe brushat e dhëmbëve. Shpesh ky çrregullim ndodh si pasojë e mungesës së mineraleve, por te Tempestt mjekët thonë se shkaktar ka qenë stresi.

“Isha nën stres pasi i dashuri im Jason më la dhe shkoi në fakultet. E kam lutur ta ruajmë lidhjen nga largësia, por ai më tha se gjithçka kishte marrë fund. Isha e zhgënjyer”, rrëfen vajza. E tëra mori fund kur ajo vetë shkoi në fakultet, larg shtëpisë dhe familjes.