Diarreja, si ta parandalojmë?

[Juѕт٠]

Diarreja, si ta parandalojmë?

Shumë shpesh medikamentet kundër diarresë jo vetëm se nuk janë të nevojshme, por janë edhe të bezdisshme. Megjithatë është evident rreziku i humbjes së sasisë së madhe të lëngjeve dhe mineraleve të rëndësishme, me ç’rast kimia e trupit tuaj mund të përjetoj kolaps të vërtet.

Tanja Turunxhieva,
nutricioniste
vita.dietklub@gmail.com
044 274 553

Diarreja nuk është një sëmundje, por një simptomë. Ajo nënkupton kryerjen e nevojës më shpesh se 3 herë në ditë, me ç’rast nevoja është e paformuar dhe te të rriturit e kalon peshën prej 200 g/ditë. Shumë shpesh medikamentet kundër diarresë jo vetëm se nuk janë të nevojshme, por janë edhe të bezdisshme. Megjithatë është evident rreziku i humbjes së sasisë së madhe të lëngjeve dhe mineraleve të rëndësishme, me ç’rast kimia e trupit tuaj mund të përjetoj kolaps të vërtet. Për këtë arsye është e rëndësisë së veçantë dieta (mënyra e të ushqyerit) gjatë periudhës sa zgjat diarreja.

Pasi që organizmi juaj humb shumë lëngje dhe kalium, mund të ndodh të filloni të ndiheni të lodhur dhe të ‘këputur”. Pini shumë supë të kthjellët, çaj të lehtë bimor, në mënyrë që të zëvendësoni shpejt lëngjet e humbura.


Pektina, formë e fibrave të tretshme të cilat gjinden në disa ushqime, si në molla, karota dhe oriz, mund të ndihmojë në qetësimin e diarresë në atë mënyrë që absorbon ujin dhe materiet që ngacmojnë zorrët. Molla e bërë në rende apo karota janë një nga recetat tradicionale për kurimin e kësaj sëmundje. Banania, poashtu është shumë e mirë se përpos pektinës ajo përmban edhe kalium - të cilën diarreja e nxjerr nga organizmi.
Boronicat poashtu përmbajnë materie ushqyese të cilat ndihmojnë në qetësimin e diarresë.

Në rast se diarreja zgjat më shumë se dy ditë apo dhe nëse vëreni gjak në jashtëqitjen tuaj, atëherë sa më parë lajmërohuni mjekut tuaj pasi kjo mund të jetë shenjë e ndonjë problem serioz.

Ushqimet e rekomanduara: Pini supë dhe lëngje të kthjella, hani ushqim të lehtë të bazuar në ushqimet që përmbajnë pektinë (boronica, molla, banane) dhe kompensoni kaliumin e humbur.