Zbulohet një shpellë gjigante

[answeR hackeR]

Thellë në xhunglën e Vietnamit është zbuluar shpella më e madhe në botë, Hang Son Dung, ose "shpella e lumit malor", në të cilën mund të vendoset një bllok i tërë i rrokaqiejve të Nju Jorkut. 
Zbulimi është bërë nga një grup hulumtuesish që kishin depërtuar katër kilometra e gjysmë në thellësi në Son Dung në parkun nacional Fong Na Ke Bang. Fotografitë e shpellës janë publikuar nga revista "National geographic". 
Shpella ndodhet në afërsi të kufirit Vietnam-Laos, ndërsa hyrja e saj kryesore është e gjatë mbi pesë kilometra, e lartë rreth 250 metra, ndërsa gjerësia e saj është 150 metra. 
Adam Spilejn, anëtar i ekspeditës nga Shoqata britanike për hulumtimin e shpellave, ka thënë se do të kthehen vitin e ardhshëm për të vazhduar hulumtimin, të cilin e kanë lënë përgjysmë për shkak të lumenjve nëntokësor. 
Hyrjen për në shpellë e ka zbuluar Ho Hang, banor i fshatit të afërm qysh në vitin 1991. Banorët lokalë janë frikësuar që t'i afrohen grykës së shpellës, pasi nga ajo është dëgjuar një zhurmë frikësuese e lumenjve nëntokësor. 
Për herë të parë shpella u bë e njohur në vitin 2009, kur një grup shkencëtarësh britanikë, me në krye Hauard Limbet. Por, ekipi i Adam Spilejn duket se ka matur edhe dimensionet e Son Dun. Të udhëhequr nga Ho Hang, anëtarët e ekspeditës në muajin prill ishin lëshuar në brendinë e saj dhe kanë zbuluar se atje ndodhet një lumë i madh nëntokësor.
Hulumtuesit kanë matur dimensionet e Son Dun me ndihmën e instrumenteve matëse laserike. Kjo teknologji moderne u ka mundësuar shkencëtarëve që të masin shpellën me milimetra.
Po ashtu, është interesante se ekspeditat e mëhershme kanë kaluar vetëm 100 metra larg hyrjes së kësaj shpelle, por nuk e kanë zbuluar për shkak të terrenit të papërshtatshëm.