Hiri i të ndjerit shndërrohet në barut

[Juѕт٠]

Hiri i të ndjerit shndërrohet në barut

Një firmë e vogël në Alabama të SHBA-ve u ofron adhuruesve të armëve një mundësi që në “jetën e amshueshme” të përcillen me barut.

Për 850 dollarë, kompania “Holly Smoke” shndërron mbetjet mortore nga krematoriumi në municion të cilin të afërmit e të ndjerit mund ta përdorin për të shtënë nga armët.

Pronarët e firmës, Tad Holmes dhe Klem Parnel, deri më tash kanë pasur vetëm dy myshterinj, por thonë se lajmi është shpërndarë shpejtë dhe shpresojnë se municioni i tyre i pazakontë do të bëhet hit.

“Adhuruesve të armëve ua ofrojmë një mundësi që të nisen për në atë dynja në mënyrën që ata kanë dashur gjithmonë – me tym baruti”, thanë pronarët e firmës për Reuters, duke shtuar se gjysmë kilogramë i hirit mund të mbushë rreth 250 gëzhoja plumbash.